AQSh prezidenti Donald Tramp zamonaviy samolyotlarni boshqarish murakkablashib borayotganini tanqid qildi. Bu haqda “Korrespondent.net” xabar bermoqda.
“Samolyotlar ularda uchish uchun o‘ta murakkab bo‘lib bormoqda. Uchuvchilarga hojat yo‘q, Massachusets texnologiya institutining kompyuter texnologiyalari sohasidagi mutaxassislari kerak”, — deya kinoya qildi Tramp Twitter‘dagi sahifasida.
Trampga ko‘ra, murakkablikning yuqori darajasi o‘ziga xos xavf tug‘dirmoqda.
“Sizni bilmadim, lekin men Albert Eynshteyn uchuvchim bo‘lishini istamagan bo‘lardim. Tezda va yengil samolyot ustidan nazorat o‘rnatishga texnix jihatdan qodir professional uchuvchilarni ko‘rishni xohlayman”, — dedi AQSh prezidenti.
Izoh (0)