Forbes talqiniga ko‘ra 2019-yilda dunyodagi eng boy odamlar reytingiga 2153 kishi kiritildi. Shu bilan birga, ularning 551 nafari dunyodagi 1860 ta shahardan faqatgina o‘ntasida istiqomat qiladi, deb yozadi Spot Forbes nashriga asoslanib.
Ushbu nisbatan kichik ro‘yxatdan joy olgan shaharlarda yashaydigan milliarderlarning umumiy boyligi 2,3 trillion dollarga teng. Dunyoda faqat yetti mamlakat ushbu miqdordan ortiq bo‘lgan YAIM bilan maqtana oladi.
Eng ko‘p milliarderlar yashaydigan shaharlar ro‘yxatida birinchi o‘rinni Nyu-York egalladi. AQShning eng yirik shahrida 84 milliarder istiqomat qiladi, ularning umumiy boyligi 469,7 milliard dollar bo‘lib, bu Avstriya YAIMdan ko‘pdir.
So‘nggi besh yil davomida dunyodagi eng yirik ikkita birja joylashgan shahar, 2015-yilda Moskvani istiqomat qiluvchi milliarderlar soni bo‘yicha ortda qoldirgach, reytingni boshqarib kelmoqda. 2016-yildan buyon Moskva 71 milliarder bilan reytingning uchinchi o‘rnidan joy olib kelyapti, ikkinchi - Gonkong (79 milliarder).
Umuman olganda, top-10 quyidagicha ko‘rinishga ega:
| Shahar | Milliarderlar soni | Umumiy boylik | Shahardagi eng boy odam |
| Nyu-York, AQSh | 84 | $469,7 milliard | Mayk Blumberg, Bloomberg LP |
| Gonkong, Xitoy | 79 | $355,5 milliard | Li Kashin, Cheung Kong Group |
| Moskva, Rossiya | 71 | $336,5 milliard | Leonid Mixelson, “Novatek” |
| Pekin, Xitoy | 61 | $193,3 milliard | Van Szyanlin, Dalian Wanda Group |
| London, Buyuk Britaniya | 55 | $226 milliard | Mixail Fridman, “Alfa-Grupp” |
| Shanxay, Xitoy | 45 | $110,7 milliard | Kolin Xuan, Pinduoduo |
| San-Fransisko,AQSH | 42 | $109,2 milliard | Dastin Moskovis, Facebook |
| Shenchjen, Xitoy | 39 | $190,5 milliard | Ma Xuaten, Tencent |
| Seul, JanubiyKoreya | 38 | $99,9 milliard | Li Kun-Xi, Samsung |
| Bombey, Hindiston | 37 | $184,4 milliard | Mukesh Ambani, Reliance Industries |
Izoh (0)