Namangan viloyatining Yangiqo‘rg‘on tumanida IIB tomonidan yakka-yolg‘iz 92 nafar fuqaroning ro‘yxati shakllantirildi. Bu haqda “Daryo”ga tuman hokimligi matbuot xizmati ma’lum qildi.
— Viloyat IIB rahbariyati topshirig‘iga asosan har kuni shunday insonlar xolidan xabar olib, uylarida hashar uyushtirilyapti. Jumladan, 8-mart —Xalqaro xotin-qizlar kuni arafasida Tatyana Sultonova, Habiba Qambarova, Mafkura Mo‘ymatova, Qirg‘izbu Mahmudova, Melik Ortiqova, Xayrixon Bobomirzayeva kabi yolg‘iz onaxonlarning uylariga borib, bayram dasturxoni tashkillandi, xonadonlari tartibga keltirildi, — deydi tuman IIB boshlig‘i, podpolkovnik Nosirjon Mirzaahmedov.
Tumanning “Vodiy” mahallasida yashovchi 80 yashar Tatyana Sultonovaning aytishicha, yaqinlari Rossiyaga ko‘chib ketib, keksaygan payti bir o‘zi qolgan. Biroq IIB xodimlari uni yolg‘izlatib qo‘ymayapti.
—Shunday yaxshi odatlar bor bo‘lsin. Kunda-kunora yo‘qlab turishadi, yolg‘izligimni bildirishmaydi. Bayramda ham kelib, sovg‘a-salom bilan ko‘nglimni ko‘tarishdi, uyimni oqlab-bo‘yab, fayz kiritishdi. Buning uchun ulardan juda minnatdorman, — deydi Tatyana Sultonova.
Izoh (0)