27-fevral, chorshanba kuni futbol bo‘yicha Angliya chempionatining 28-turi doirasida navbatdagi 4 ta bellashuv o‘z nihoyasiga yetdi.
So‘nggi turda “Manchester Yunayted”ni yuta olmagan (0:0) Yurgen Klopp boshliq “Liverpul” jamoasi “Enfild” stadionida “Uotford” bilan bahsga kirishdi.
Uchrashuvda Sadio Mane (9 va 20-daqiqalar), Divok Origi (66) hamda Virjil Van Deykning (79, 82-daqiqalar) kiritgan gollari “mersisaydliklar”ga yirik hisobdagi g‘alabani taqdim etdi.
Shu kuni tur markaziy o‘yini Londonda bo‘lib o‘tadi. Unda shaharning ikki klubi “Chelsi” hamda “Tottenhem” klublari o‘zaro to‘qnashdi.
Bellashuvning 57-daqiqasida Pedro Rodriges uzoq masofadan Ugo Lyoris darvozasini ishg‘ol qilgan bo‘lsa, 84-daqiqaga kelib Kiran Trippier avtogol muallifiga aylandi.
Shu tariqa Mauritsio Sarri shogirdlari Maurisio Pochettino boshliq “Tottenhem”ni mag‘lub etib, muhim g‘alabaga erishdi.
Ole-Gunnar Sulsher boshqaruvidagi “Manchester Yunayted” safarda “Kristal Pelas” mehmoni bo‘ldi.
To‘qnashuvning 33 hamda 52-daqiqalarida Romelu Lukaku dublga erishgan bo‘lsa, 66-daqiqaga kelib Joel Uord hisobni qisqartirdi (2:1). 84-daqiqada esa Eshli Yang o‘yindagi so‘nggi golni urdi va g‘alabani mustahkamladi.
Shu tariqa “qizil iblislar” safarda g‘alabaga erishib, muhim 3 ochkoga ega bo‘ldi.
Musobaqa jadvalida 2-o‘rinda borayotgan Xosep Gvardiola boshqaruvidagi “Manchester Siti” o‘z uyida “Vest Hem”ni sinovdan o‘tkazdi.
Argentinalik hujumchi Serxio Agueroning 59-daqiqada urgan goli “shaharliklar”ga navbatdagi g‘alabani keltirdi.
APL
28-tur bahslari
27-fevral, chorshanba
“Manchester Siti”—“Vest Hem” 1:0
Gol: 1:0 — 59 Aguero“Liverpul”—“Uotford” 5:0
Gollar: 1:0 — 9 Mane, 2:0 — 20 Mane, 3:0 — 66 Origi, 4:0 — 79 Van Deyk, 5:0 — 82 Van Deyk“Chelsi”—“Tottenhem” 2:0
Gol: 1:0 — 57 Pedro, 2:0 — 84, avtogol, Trippier“Chelsi”: Kabalyero, Aspilikueta, Ryudiger, David Luis, Alonso, Jorjinyo, Kante, Kovachich (Loftus-Chik, 77), Pedro, Iguain (Jiru, 84), Azar (Villian, 60)
“Tottenhem”: Loris, Trippier, Alderveyrld, Sanches, Devis, Uinks, Sissoko (Rouz, 85), Eriksen, Lamela (Lyorente, 70), Son (Lukas, 80), Keyn
Ogohlantirishlar: Luis (90), Keyn (90)
“Kristal Pelas”—“Manchester Yunayted” 1:3
Gollar: 0:1 — 33 Lukaku, 0:2 — 52 Lukaku, 1:2 — 66 Uord, 1:3 — 84 YangYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)