27 февраль, чоршанба куни футбол бўйича Англия чемпионатининг 28-тури доирасида навбатдаги 4 та беллашув ўз ниҳоясига етди.
Сўнгги турда «Манчестер Юнайтед»ни юта олмаган (0:0) Юрген Клопп бошлиқ «Ливерпуль» жамоаси «Энфилд» стадионида «Уотфорд» билан баҳсга киришди.
Учрашувда Садио Мане (9 ва 20-дақиқалар), Дивок Ориги (66) ҳамда Виржил Ван Дейкнинг (79, 82-дақиқалар) киритган голлари «мерсисайдликлар»га йирик ҳисобдаги ғалабани тақдим этди.
Шу куни тур марказий ўйини Лондонда бўлиб ўтади. Унда шаҳарнинг икки клуби «Челси» ҳамда «Тоттенҳэм» клублари ўзаро тўқнашди.
Беллашувнинг 57-дақиқасида Педро Родригес узоқ масофадан Уго Льорис дарвозасини ишғол қилган бўлса, 84-дақиқага келиб Киран Триппиер автогол муаллифига айланди.
Шу тариқа Маурицио Сарри шогирдлари Маурисио Почеттино бошлиқ «Тоттенҳэм»ни мағлуб этиб, муҳим ғалабага эришди.
Оле-Гуннар Сульшер бошқарувидаги «Манчестер Юнайтед» сафарда «Кристал Пэлас» меҳмони бўлди.
Тўқнашувнинг 33 ҳамда 52-дақиқаларида Ромелу Лукаку дублга эришган бўлса, 66-дақиқага келиб Жоэл Уорд ҳисобни қисқартирди (2:1). 84-дақиқада эса Эшли Янг ўйиндаги сўнгги голни урди ва ғалабани мустаҳкамлади.
Шу тариқа «қизил иблислар» сафарда ғалабага эришиб, муҳим 3 очкога эга бўлди.
Мусобақа жадвалида 2-ўринда бораётган Хосеп Гвардиола бошқарувидаги «Манчестер Сити» ўз уйида «Вест Ҳэм»ни синовдан ўтказди.
Аргентиналик ҳужумчи Серхио Агуэронинг 59-дақиқада урган голи «шаҳарликлар»га навбатдаги ғалабани келтирди.
АПЛ
28-тур баҳслари
27 февраль, чоршанба
«Манчестер Сити»—«Вест Ҳэм» 1:0
Гол: 1:0 — 59 Агуэро«Ливерпуль»—«Уотфорд» 5:0
Голлар: 1:0 — 9 Мане, 2:0 — 20 Мане, 3:0 — 66 Ориги, 4:0 — 79 Ван Дейк, 5:0 — 82 Ван Дейк«Челси»—«Тоттенҳэм» 2:0
Гол: 1:0 — 57 Педро, 2:0 — 84, автогол, Триппиер«Челси»: Кабальеро, Аспиликуэта, Рюдигер, Давид Луис, Алонсо, Жоржиньо, Канте, Ковачич (Лофтус-Чик, 77), Педро, Игуаин (Жиру, 84), Азар (Виллиан, 60)
«Тоттенҳэм»: Льорис, Триппиер, Алдервейрлд, Санчес, Дэвис, Уинкс, Сиссоко (Роуз, 85), Эриксен, Ламела (Льоренте, 70), Сон (Лукас, 80), Кейн
Огоҳлантиришлар: Луис (90), Кейн (90)
«Кристал Пэлас»—«Манчестер Юнайтед» 1:3
Голлар: 0:1 — 33 Лукаку, 0:2 — 52 Лукаку, 1:2 — 66 Уорд, 1:3 — 84 ЯнгЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)