AQSh va Shimoliy Koreya yetakchilari o‘rtasidagi uchrashuv uchun Oq Uy matbuot markazidan kelgan jurnalistlarga mo‘ljallab jihozlangan Vyetnam poytaxtidagi mehmonxona sammitdan bir kun avval jurnalistlar uchun yopib qo‘yildi. Bu haqda “RBK” xabar berdi.
Xabarda aytilishicha, jurnalistlar mehmonxonadan bir necha kvartal uzoqlikda joylashgan Madaniyat saroyi binosiga ko‘chirilgan.
Ma’lum bo‘lishicha, Oq Uy matbuot markazi jurnalistlari uchun Melia Hanoi Hotel mehmonxonasining uchinchi qavatidan, undan bir qavat pastda esa Kim Chen In delegatsiyasi uchun butun boshli zal band qilingan. Mehmonxonada OAV vakillari va hukumat tashkilotlari o‘rtasida raqobat kelib chiqqan.
Biroq sammit boshlanishidan bir sutka avval Kim Chen In ushbu mehmonxonaga joylashishi ma’lum bo‘lganidan keyin Amerikadan kelgan jurnalistlar boshqa joyga ko‘chiriladigan bo‘lgan.
Izoh (0)