АҚШ ва Шимолий Корея етакчилари ўртасидаги учрашув учун Оқ Уй матбуот марказидан келган журналистларга мўлжаллаб жиҳозланган Вьетнам пойтахтидаги меҳмонхона саммитдан бир кун аввал журналистлар учун ёпиб қўйилди. Бу ҳақда «РБК» хабар берди.
Хабарда айтилишича, журналистлар меҳмонхонадан бир неча квартал узоқликда жойлашган Маданият саройи биносига кўчирилган.
Маълум бўлишича, Оқ Уй матбуот маркази журналистлари учун Melia Hanoi Hotel меҳмонхонасининг учинчи қаватидан, ундан бир қават пастда эса Ким Чен Ин делегацияси учун бутун бошли зал банд қилинган. Меҳмонхонада ОАВ вакиллари ва ҳукумат ташкилотлари ўртасида рақобат келиб чиққан.
Бироқ саммит бошланишидан бир сутка аввал Ким Чен Ин ушбу меҳмонхонага жойлашиши маълум бўлганидан кейин Америкадан келган журналистлар бошқа жойга кўчириладиган бўлган.
Изоҳ (0)