Braziliyaning Boa Vista chegara shahrida 200 tonna oziq-ovqat va dori-darmonlar Venesuelaga jo‘natishga tayyor turibdi, deb xabar berdi “Korrespondent.net”.
Biroq, prezident Maduro tomonidan chegara yopib qo‘yilgani sababli gumanitar yordam yuborish hozircha qoldirilgan. Ammo Braziliya hukumati uni yuborish fikridan qaytmagan.
Boa Vista shahri joylashgan Rorayma shtati gubernatori Antoniu Denarium Venesueladan Braziliyaga faqat bitta yuk mashinasi kelganligi sababli Venesuelaga gumanitar yordam yuborish ishlari qoldirilganini ma’lum qildi.
Uning aytishicha, yuzaga kelgan vaziyatda yuklarni yuborish maqbul emas. Shuning uchun qo‘shni respublikadan 20 ta mashina kelishini kutib turishga qaror qilingan.
Izoh (0)