2019-yilning 17-fevral kuni Samarqand viloyatining Pastdarg‘om tumanida yashovchi A.Q. soat 00:30 atrofida Spark mashinasida O‘tarchi mahallasi hududida ketayotgan vaqtda 5 nafar noma’lum shaxs uni to‘xtatib, tanasining turli joylariga urib-tepib jarohat yetkazgan. Bu haqda IIV jamoatchilik va OAV bilan aloqalar boshqarmasi xabar berdi.
Bosqinchilar uni ovloq joyga olib borib, avtomashina salonidan 5 ming AQSh dollari va tilla uzugini olib, voqea joyidan yashiringan.
Ko‘rilgan choralar natijasida ushbu jinoyatni shu mahallada yashovchi I.U., Z.N. J.X., A.J. va S.S. sodir etgani aniqlanib, qo‘lga olingan.
Holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)