Joriy yilning 18-fevral kuni Akfa Medline tibbiyot markazida Akfa Universitetining taqdimot marosimi bo‘lib o‘tdi. Ushbu loyiha O‘zbekiston Respublikasi Prezidentining 2017-yil 29-dekabrdagi “Xususiy tibbiyot tashkilotlarini rivojlantirish bo‘yicha qo‘shimcha shart-sharoitlarni yaratish to‘g‘risida”gi PQ-3450-sonli Qarori ijrosini ta’minlash maqsadida amalga oshirilmoqda.
Akfa Universiteti faoliyatining asosiy vazifalari va faoliyat yo‘nalishlari quyidagilar etib belgilandi:
- tibbiyot, aniq va gumanitar fanlar sohasida yuqori malakali mutaxassislarni tayyorlash;
- eng ilg‘or xorijiy oliy ta’lim muassasalari va ilmiy-tadqiqot markazlari bilan malakali mutaxassislarni, jumladan, chet ellik, shuningdek xorijda faoliyat yuritib kelayotgan yurtdoshlarimizni jalb etgan holda keng hamkorlikni amalga oshirish;
- tibbiyot sohasi hodimlari malakasini oshirish, xorijning ilg‘or ilmiy tadqiqot markazlari bilan hamkorlikda malaka oshirish amaliyotlarini va tajriba almashish dasturlarini amalga oshirish;
– ta’lim olish to‘liq kunduzgi dasturda bo‘lib, 1 etap, ya’ni 2019/2020 o‘quv yilida jami 200 ta talaba qabul qilinadi. Alohida aytish joizki, Akfa Universitetida ta’lim olish O‘zbekiston Respublikasi fuqarolari uchun mutlaqo bepul, 100 ta xorijiy davlatlar fuqarolari uchun esa to‘lov-shartnoma asosida amalga oshiriladi.
Reklama huquqi asosida
Izoh (0)