Жорий йилнинг 18 февраль куни Akfa Medline тиббиёт марказида Akfa Университетининг тақдимот маросими бўлиб ўтди. Ушбу лойиҳа Ўзбекистон Республикаси Президентининг 2017 йил 29 декабрдаги «Хусусий тиббиёт ташкилотларини ривожлантириш бўйича қўшимча шарт-шароитларни яратиш тўғрисида»ги ПҚ-3450-сонли Қарори ижросини таъминлаш мақсадида амалга оширилмоқда.
Akfa Университети фаолиятининг асосий вазифалари ва фаолият йўналишлари қуйидагилар этиб белгиланди:
- тиббиёт, аниқ ва гуманитар фанлар соҳасида юқори малакали мутахассисларни тайёрлаш;
- энг илғор хорижий олий таълим муассасалари ва илмий-тадқиқот марказлари билан малакали мутахассисларни, жумладан, чет эллик, шунингдек хорижда фаолият юритиб келаётган юртдошларимизни жалб этган ҳолда кенг ҳамкорликни амалга ошириш;
- тиббиёт соҳаси ҳодимлари малакасини ошириш, хорижнинг илғор илмий тадқиқот марказлари билан ҳамкорликда малака ошириш амалиётларини ва тажриба алмашиш дастурларини амалга ошириш;
– таълим олиш тўлиқ кундузги дастурда бўлиб, 1 этап, яъни 2019/2020 ўқув йилида жами 200 та талаба қабул қилинади. Алоҳида айтиш жоизки, Akfa Университетида таълим олиш Ўзбекистон Республикаси фуқаролари учун мутлақо бепул, 100 та хорижий давлатлар фуқаролари учун эса тўлов-шартнома асосида амалга оширилади.
Реклама ҳуқуқи асосида
Изоҳ (0)