O‘zbekistonda o‘n bir yillik ta’limning qayta tiklanishi bilan maktablarda kasbga yo‘naltirish masalalari dolzarb tus oldi.
KNAUF kompaniyasi yuqori sinflar o‘quvchilariga bo‘lg‘usi kasbini tanlashga yordam beruvchi “O‘z hunaringni top” dasturini ishlab chiqdi.
2019-yilning 14-fevralida “O‘z hunaringni top” kasbga yo‘naltirish dasturining birinchi ishtirokchilari KNAUF gipskarton qoplamalarini ishlab chiqarish zavodida bo‘ldilar.
Buxoro shahridagi 17-sonli maktabning 11-sinf o‘quvchilari mazkur tashrif doirasida kompaniyaning turli bo‘linmalari mutaxassislari faoliyati bilan tanishib, kasb tanlash kabi muhim va nozik masalada nimalarga e’tibor qaratish lozimligi haqida fikr almashdilar.
O‘quvchilar uchun shuningdek, ayni damda Londonda faoliyat yuritayotgan vatandoshimiz bilan video aloqa or‘natildi.
U maktab o‘quvchilariga o‘zining rag‘batlantiruvchi va qiziqish uyg‘otuvchi nutqi bilan murojaat qildi va zavodning yosh mehmonlari savollariga batafsil javoblar qaytardi.
“16 yoshlik o‘smirda bo‘lg‘usi kasbi to‘g‘risida aniq tasavvur mavjud emas. Bolalar odatda ota-onasi aytgan va pastroq o‘tish balliga ega oliy o‘quv yurtlarga hujjat topshiradilar yoxud buxgalteriya yoki huquqshunoslik kabi taniqli yo‘nalishlarni tanlaydilar. Natijada kimdir institutdagi o‘qishini oxiriga yetkazmay tashlab ketadi, kimdir esa o‘z mutaxassisligi bo‘yicha ishlamaydi. Biz maktab o‘quvchilari keng tarqalgan kasblardan tashqari boshqa ko‘plab juda qiziq va talabi katta bo‘lgan kasblar mavjudligini anglab yetishini xohlaymiz. Bunda gap faqat muhandislar va ustalar haqida ketayotgani yo‘q - KNAUF zavodida turli sohalardagi mutaxassislar ishlaydi.
Maktabda boshlang‘ich sessiyalardan so‘ng o‘qituvchilar menga bolalarga muvaffaqiyatli, ruhlangan va o‘z ishini sevgan insonlar bilan muloqot yetishmasligi haqida aytardi. Buni men o‘zim ham o‘quvchilar fikr-mulohazalarini o‘rgangan holda yaxshi tushunar edim. “O‘z hunaringni top” dasturi 10-11 sinf o‘quvchilariga o‘z kasbiy yo‘nalishini izlashga yordam beradi”, - deydi KNAUF axborot-maslahat markazi rahbari Sanjar Atayev.
“O‘z hunaringni top” loyihasi yuqori sinf o‘quvchilariga tegishli kasbni tanlashga yordam beradi.
Dastur ikki qismdan iborat:
- Axborot qismi. O‘quvchilar KNAUF kompaniyasining turli bo‘linmalari xodimlari ishi bilan tanishadilar va ular bilan tanlangan ixtisoslikning amaliy tomoni haqida suhbatlashadilar.
- Rag‘batlantiruvchi qismi. Kasbga yo‘naltirish dasturi doirasida maktablarda muvaffaqiyatli insonlar bilan interaktiv suhbatlar tashkil etiladi.
“O‘z hunaringni top” loyihasi Buxoro shahrining barcha maktablari uchun ochiq.
Dasturda ishtirok etish masalalari yuzasidan o‘quv yurtlari ma’muriyatlari loyiha kuratori Sanjar Atayevga ataev.sanjar@knauf.uz elektron manzili bo‘yicha murojaat etishini so‘rab qolamiz.
KNAUF kompaniyasi to‘g‘risida:
KNAUF kompaniyasi - jahonda qurilish materiallarini eng yirik ishlab chiqaruvchilaridan biri bo‘lib, quruq qurilish innovatsion texnologiyalarini qo‘llash bilan bog‘liq yangi qurilish kasblariga o‘rgatish bo‘yicha yetakchi o‘rin egallaydi.
MDH davlatlarida o‘z faoliyatining boshida KNAUF kompaniyasi zamonaviy qurilish texnologiyalari va materiallari bilan ishlovchi professionallarni o‘qitish va malakasini oshirish tizimiga mablag‘larni investitsiya qildi. Ushbu yondashish kompaniya falsafasining bir qismi - firmaga o‘z mahsulotini yuqori sifat darajasida qo‘llash imkonini beruvchi “KNAUF to‘plam tizimlari”ning ajralmas elementi hisoblanadi .
Buxoro va Toshkent shaharlarida kompaniyaning ham boshlovchi, ham tajribali ustalarning quruq qurilish texnologiyasini o‘rgatuvchi o‘quv markazlari faoliyat yuritmoqda.
Kompaniya 15 ta kasb qurilish kollejlari bilan hamkorlik qilib, o‘quvchilarga amaliyot o‘tash va malakasini oshirish imkonini taqdim etadi.
2015-yilning kuz faslida Marg‘ilonda birinchi KNAUF resurs markazi ochildi. Kompaniyaning Toshkent va Samarqand arxitektura-qurilish institutlaridagi maslahat markazlari talabalarga KNAUF quruq qurilish tizimlarini va ularning muhandislik tavsiflarini o‘rganishga yordam beradi.
Reklama huquqi asosida.
Izoh (0)