Qozog‘istonlik 17 yashar Gulbonu Madiyorova Singapurda Miss Heritage International 2019 xalqaro go‘zallik tanlovida g‘olib chiqdi. Bu haqda Tengrinews xabar bermoqda.
Gulbonu tanlovda Markaziy Osiyo nomidan qatnashdi. Undagi g‘oliblik Sharqiy Osiyo davlatlarida xayriya loyihalarida qatnashish, dunyoning turli mamlakatlaridagi xalqaro tanlovlar mukofotlash marosimlarida ishtirok etish imkonini beradi.
Qozog‘istonlik qiz bosh mukofotdan tashqari Miss Face of Ambassador Heritage 2019 va Miss Ethnic Heritage 2019 nominatsiyalarini ham qo‘lga kiritdi.
Gulbonu Madiyorova Olmaotadagi “Qaynar” kollejida iqtisod yo‘nalishida o‘qiydi. Go‘zallik tanlovlarida 2016 yildan beri qatnashib kelmoqda.
Izoh (0)