Suv bosgan “Paxtakor”. Yerdan pul “supurib” olish san’ati. Ijtimoiy tarmoqlardagi trendlar
Diqqat qiling, ijtimoiy tarmoq ummonidagi voqea-hodisalar tahlilini boshlaymiz.
Dehqonoboddagi nochor, ammo mashhur qishloq
Kuni kecha “Daryo” saytida chop etilgan Qashqadaryo viloyati Dehqonobod tumanidagi nochor qishloq aholisi haqidagi maqola Facebook’da shov-shuv keltirib chiqardi. Haqiqatan, zamondan go‘yoki uzilib qolgan qishloq aholisi sabri va matonatiga qoyil qolish kerak.
Skrin: “Daryo”
Skrin: “Daryo”
Telegram’da mashhur Rais buva har doimgidek original mem tayyorladi bu haqda:
Skrin: “Daryo”
Mobil dastur va konduktor to‘qnashuvi
O‘zbekistondagi eng katta onlayn-kutubxona — “Ziyouz.com” sayti asoschisi Davronbek Tojialiyev qiziq post qo‘ydi. Bu post ostiga ko‘plab ijobiy kommentlar yozildi.
O‘zim ham bunaqa holatga tushganman. Yaxshiyamki, konduktor oldimga kelmagan. Do‘stimga qo‘ng‘iroq qilib bekatga pul bilan chiqib turishini so‘raganman. Bir marta yo‘lovchilardan biri mendan chipta uchun naqd pul berib tursam, plastik yoki telefonga o‘tkazib yuborishimni so‘ragan.
* * *
Birinchi marta Turkiyaga borganimda transport bilan bog‘liq tartib-qoidalarni, karta sotib olishni bilmasdim. Birinchi marta metroga tusharkanman, yo‘lovchilardan jetonni qayerdan sotib olish kerakligini so‘radim. Bir turk yigiti “Kel, kel” dedi-da, plastigini turniketga ikki marta tekizib, o‘taver dedi. Tushunmay, “qardosh, necha pul bo‘ldi?” deb cho‘ntak kovlayotgandim, yigit “kerak emas, sog‘ bo‘l” ketib yubordi.
Ikkinchi marta tramvayga tushishda jeton oladigan joy qidirdim. Pul soladigan joyiga o‘n liralik tiqsam, qabul qilmadi. Nima qilsam ekan, deb tursam, bir o‘rta yoshli kishi keldi-da, “yur, qardoshim” deb plastigidan o‘tkazib yubordi. Unga rahmat aytib, “pulingizni to‘lay” degandim, “yo‘q, duo qilib qo‘ysang bo‘ldi” dedi. Bir boshqacha bo‘lib ketdim.
Keyin o‘zim ham transport plastik kartasidan sotib oldim. Bir marta avtobusda menga ham bir talaba murojaat qildi. Kartasida pul qolmagan ekan, to‘lab yubordim.
Bu tabiiy holat, janjal yo‘q, to‘polon yo‘q, ortiqcha xijolatlik yo‘q. Hamma xursand. Yuqoridagi voqeadan so‘ng shu yodimga tushgandi.
Dima Qayum ne deydi?
Facebook’dagi mashhur blogerlardan biri, Rishtonda xalq kutubxonasini ochgan Dima Qayumning kulgili va, muhimi, tagdor yumoristik postlari ham kayfiyatni ko‘taradi, ham o‘yga toldiradi. Bugun uning tesha tegmagan hazillaridan keltiramiz.
Boshliq qabulxonasida kechgacha uni kutgan cholni “ertaga keling” deb chiqarib yubordi va og‘aynisi bilan shaxmatbozlikni davom ettirdi. Ishdan qaytishda esa yo‘lda o‘tirgan tilanchiga pul berayotganini internetga joylab o‘zini naqadar saxiy ekanini dunyoga ko‘rsatdi.
Toshkent shahridagi yangi qurilgan uylar buzilayotgani haqidagi xabar surati bilan tarqaldi.
Foto: Facebook
Lekin ikki soat o‘tmasdan Toshkent shahar matbuot xizmati tomonidan bunday ish ko‘zda tutilmagani haqida bayonot berildi. Bu haqda “Davletov.uz” kanali ham xabar e’lon qildi:
“Lolazor” mahallasi hududida joylashgan 3 qavatli turar-joylarni buzish va o‘rniga ko‘p qavatli turar-joylarni qurish uchun Toshkent shahri hamda Mirobod tumani hokimligi tomonidan tadbirkorlarga berish to‘g‘risida hech qanday qaror qabul qilinmagan.
Samolyotdagi tanovul
Facebook foydalanuvchisi Husanboy Abdullayevich “O‘zbekiston havo yo‘llari” samolyotida yo‘lovchilarga berilgan ovqatning rasmini qo‘yib, aviakompaniyaga rahmat aytgan ilk o‘zbekistonlik bo‘lgan bo‘lsa kerak. Bu ovqatni ko‘rib, samolyotda uchgim kelib ketdi.
Foto: Facebook
Musofirga oson(mi)
Telegram’dagi Rais buva kanali o‘ta jiddiy hajviy video joyladi va butun ijtimoiy tarmoqni kuldurib yig‘latdi. Unda Rossiyada ishlayotgan musofir o‘zbek yigitlar hazil tayyorlab, qor tagidan pulni qanday “supurib” olayotgani tasvirlangan. Videodagi odamni tezroq biron kinoga rolga chaqirsayam bo‘larkan; muhimi, original g‘oya. Tomosha qilib ulgurmagan bo‘lsangiz, albatta videorolikni ko‘ring.
“Serial muammosi” seriali
Serial mavzusi davom etadi. “Maslahat.uz” guruhiga qo‘yilgan ushbu post ko‘p layk olgandan ham bu postda haqiqat bitilganini bilsa bo‘ladi.
O‘zbeklar, sizlarga nimalar bo‘lyapti? Serialdan boshqa muammoingiz yo‘qmi rostdan... Undan ko‘ra serial ko‘ravermay, bolangiz bilan birga o‘tirib dars qildiring, o‘rgating u-bu narsani... Bola tarbiyasi, bolalar ma’naviyati deb jar solmay, bolangiz maktabda qanday o‘qiyapti, uyda nima bilan band, vaqti qaysi rejaga asosan foydali sarflanyapti, qaysi kasbga qiziqayapti, shular bilan band bo‘linglar baraka topkur pessimistlar...
O‘sha seriallarni o‘zingiz ham ko‘rmay xoh badiiy, xoh ilmiy kitob, gazeta, jurnal o‘qing, qiziq va foydali tomonlarini bolangizga ilining, ular bilan fikrlashing... Avvalo, bolangizga (ayniqsa o‘g‘illarga) olib bergan sensorli telefoni ichida nimalar bor, pornolari (tez-tez o‘chirib, yangisidan yuklaydigan porno videolari) bormi, yo biror elektron kitob bormi (afsuski, ko‘p joy oladi deb o‘chirib tashlaydi...) deb qiziqing, arxivini titkilab, nimalar ko‘rgan, nimalar tomosha qilgan nazorat qiling (aqlingiz yetsa albatta). Marhamat, agar bolangiz yetuk bo‘lsin desangiz, adolatli va foydali qaror qabul qilib, shu ishga bel bog‘lang... Xo‘sh, durustmi?
Buloqning ikkinchi ko‘zi
Kuni kecha “Paxtakor”ning Osiyo chempionlar ligasi 2-bosqich saralashida “Eyr Fors”ga qarshi o‘yinda (qarang-ki, kelib-kelib xalqaro o‘yinda) ishkal bo‘lib qoldi: stadiondagi quvurdan suv qo‘yvordi, natijada o‘yin 20 daqiqaga to‘xtatildi.
Izoh (0)