Сув босган «Пахтакор». Ердан пул «супуриб» олиш санъати. Ижтимоий тармоқлардаги трендлар
Диққат қилинг, ижтимоий тармоқ уммонидаги воқеа-ҳодисалар таҳлилини бошлаймиз.
Деҳқонободдаги ночор, аммо машҳур қишлоқ
Куни кеча «Дарё» сайтида чоп этилган Қашқадарё вилояти Деҳқонобод туманидаги ночор қишлоқ аҳолиси ҳақидаги мақола Facebook’да шов-шув келтириб чиқарди. Ҳақиқатан, замондан гўёки узилиб қолган қишлоқ аҳолиси сабри ва матонатига қойил қолиш керак.
Скрин: «Дарё»
Скрин: «Дарё»
Telegram’да машҳур Rais buva ҳар доимгидек оригинал мем тайёрлади бу ҳақда:
Скрин: «Дарё»
Мобил дастур ва кондуктор тўқнашуви
Ўзбекистондаги энг катта онлайн-кутубхона — «Ziyouz.com» сайти асосчиси Давронбек Тожиалиев қизиқ пост қўйди. Бу пост остига кўплаб ижобий комментлар ёзилди.
Ўзим ҳам бунақа ҳолатга тушганман. Яхшиямки, кондуктор олдимга келмаган. Дўстимга қўнғироқ қилиб бекатга пул билан чиқиб туришини сўраганман. Бир марта йўловчилардан бири мендан чипта учун нақд пул бериб турсам, пластик ёки телефонга ўтказиб юборишимни сўраган.
* * *
Биринчи марта Туркияга борганимда транспорт билан боғлиқ тартиб-қоидаларни, карта сотиб олишни билмасдим. Биринчи марта метрога тушарканман, йўловчилардан жетонни қаердан сотиб олиш кераклигини сўрадим. Бир турк йигити «Кел, кел» деди-да, пластигини турникетга икки марта текизиб, ўтавер деди. Тушунмай, «қардош, неча пул бўлди?» деб чўнтак ковлаётгандим, йигит «керак эмас, соғ бўл» кетиб юборди.
Иккинчи марта трамвайга тушишда жетон оладиган жой қидирдим. Пул соладиган жойига ўн лиралик тиқсам, қабул қилмади. Нима қилсам экан, деб турсам, бир ўрта ёшли киши келди-да, «юр, қардошим» деб пластигидан ўтказиб юборди. Унга раҳмат айтиб, «пулингизни тўлай» дегандим, «йўқ, дуо қилиб қўйсанг бўлди» деди. Бир бошқача бўлиб кетдим.
Кейин ўзим ҳам транспорт пластик картасидан сотиб олдим. Бир марта автобусда менга ҳам бир талаба мурожаат қилди. Картасида пул қолмаган экан, тўлаб юбордим.
Бу табиий ҳолат, жанжал йўқ, тўполон йўқ, ортиқча хижолатлик йўқ. Ҳамма хурсанд. Юқоридаги воқеадан сўнг шу ёдимга тушганди.
Дима Қаюм не дейди?
Facebook’даги машҳур блогерлардан бири, Риштонда халқ кутубхонасини очган Дима Қаюмнинг кулгили ва, муҳими, тагдор юмористик постлари ҳам кайфиятни кўтаради, ҳам ўйга толдиради. Бугун унинг теша тегмаган ҳазилларидан келтирамиз.
Тошкент шаҳридаги янги қурилган уйлар бузилаётгани ҳақидаги хабар сурати билан тарқалди.
Фото: Facebook
Лекин икки соат ўтмасдан Тошкент шаҳар матбуот хизмати томонидан бундай иш кўзда тутилмагани ҳақида баёнот берилди. Бу ҳақда «Davletov.uz» канали ҳам хабар эълон қилди:
«Лолазор» маҳалласи ҳудудида жойлашган 3 қаватли турар-жойларни бузиш ва ўрнига кўп қаватли турар-жойларни қуриш учун Тошкент шаҳри ҳамда Миробод тумани ҳокимлиги томонидан тадбиркорларга бериш тўғрисида ҳеч қандай қарор қабул қилинмаган.
Самолётдаги тановул
Facebook фойдаланувчиси Ҳусанбой Абдуллаевич «Ўзбекистон ҳаво йўллари» самолётида йўловчиларга берилган овқатнинг расмини қўйиб, авиакомпанияга раҳмат айтган илк ўзбекистонлик бўлган бўлса керак. Бу овқатни кўриб, самолётда учгим келиб кетди.
Фото: Facebook
Мусофирга осон(ми)
Telegram’даги Раис бува канали ўта жиддий ҳажвий видео жойлади ва бутун ижтимоий тармоқни кулдуриб йиғлатди. Унда Россияда ишлаётган мусофир ўзбек йигитлар ҳазил тайёрлаб, қор тагидан пулни қандай «супуриб» олаётгани тасвирланган. Видеодаги одамни тезроқ бирон кинога ролга чақирсаям бўларкан; муҳими, оригинал ғоя. Томоша қилиб улгурмаган бўлсангиз, албатта видеороликни кўринг.
«Сериал муаммоси» сериали
Сериал мавзуси давом этади. «Maslahat.uz» гуруҳига қўйилган ушбу пост кўп лайк олгандан ҳам бу постда ҳақиқат битилганини билса бўлади.
Ўзбеклар, сизларга нималар бўляпти? Сериалдан бошқа муаммоингиз йўқми ростдан... Ундан кўра сериал кўравермай, болангиз билан бирга ўтириб дарс қилдиринг, ўргатинг у-бу нарсани... Бола тарбияси, болалар маънавияти деб жар солмай, болангиз мактабда қандай ўқияпти, уйда нима билан банд, вақти қайси режага асосан фойдали сарфланяпти, қайси касбга қизиқаяпти, шулар билан банд бўлинглар барака топкур пессимистлар...
Ўша сериалларни ўзингиз ҳам кўрмай хоҳ бадиий, хоҳ илмий китоб, газета, журнал ўқинг, қизиқ ва фойдали томонларини болангизга илининг, улар билан фикрлашинг... Аввало, болангизга (айниқса ўғилларга) олиб берган сенсорли телефони ичида нималар бор, порнолари (тез-тез ўчириб, янгисидан юклайдиган порно видеолари) борми, ё бирор электрон китоб борми (афсуски, кўп жой олади деб ўчириб ташлайди...) деб қизиқинг, архивини титкилаб, нималар кўрган, нималар томоша қилган назорат қилинг (ақлингиз етса албатта). Марҳамат, агар болангиз етук бўлсин десангиз, адолатли ва фойдали қарор қабул қилиб, шу ишга бел боғланг... Хўш, дурустми?
Булоқнинг иккинчи кўзи
Куни кеча «Пахтакор»нинг Осиё чемпионлар лигаси 2-босқич саралашида «Эйр Форс»га қарши ўйинда (қаранг-ки, келиб-келиб халқаро ўйинда) ишкал бўлиб қолди: стадиондаги қувурдан сув қўйворди, натижада ўйин 20 дақиқага тўхтатилди.
Изоҳ (0)