Makedoniya dunyo xaritasidan rasman yo‘qoldi, deya xabar beradi “Vesti.ru”.
Hozir bu davlat Shimoliy Makedoniya Respublikasi deb ataladi.
Mamlakatni qayta nomlash to‘g‘risidagi qaror 2018-yilning iyun oyida qabul qilingan edi.
Nomni o‘zgartirish bo‘yicha tashabbuskorlar — Yunoniston va Makedoniya bosh vaziri Aleksis Sipras va Zoran Zayev — Nobel mukofoti bilan taqdirlanishi mumkin.
Nom bo‘yicha kelishmovchilik 1991-yilda Makedoniya Yugoslaviyadan mustaqillikni qo‘lga kiritgandan so‘ng boshlangan.
Holbuki, Yunonistonda shu nomdagi viloyat mavjud bo‘lgan, shu sababli Afina yangi davlatni tan olishni istamagan. Endi nizo hal bo‘lganda Shimoliy Makedoniya Respublikasi NATO va Yevropa Ittifoqiga erkin a’zo bo‘lish imkoniyatiga ega bo‘ladi.
Izoh (0)