Gavayida kuchli po‘rtana sodir bo‘lib, xavfli sharoitlarni keltirib chiqaruvchi juda kuchli shamol esib, qor yog‘di, deb ma’lum qildi Forum Daily.
Gonolulu milliy meteorologik xizmati vakili Gevin Shigesatoning ma’lum qilishicha, 10-fevral kuni Vaymea ko‘rfazining Oaxu shimoliy qirg‘oqlarida to‘lqinlar balandligi 18 metrga yetgan.
Kuzatuvlar natijasida orolning boshqa qismida to‘lqinlar balandligi 13,7 metrga yetgani aniqlangan.
Po‘rtana oqibatida Maui shimoli-g‘arbiy qismida bo‘lgan kaliforniyalik 66 yoshli kishi halok bo‘lgan.
Meteorologik xizmat ma’lum qilishicha, Katta orolning Mauna-Kea tepaligida soatiga 307 kilometr tezlikda harakatlangan shamol kuzatilgan.
Shigesatoning so‘zlariga ko‘ra, Oaxuda shamol tezligi soatiga 85 kilometrni tashkil etgan.
Buning oqibatida daraxtlar qulagan, elektr uzatish liniyalari buzilgan. Butun shtat bo‘yicha deyarli 27 mingta uy yakshanba va dushanba kunlari elektr energiyasiz qolgan.
Mauida qor yog‘gan bo‘lib, bu mintaqa uchun xos hodisa emas.
Hukumat orolning shimoliy qirg‘oqlari aholisi sohil bo‘yi hududlarini suv bosishiga tayyor turishi kerakligini ma’lum qilgan.
Izoh (0)