Shu kunga qadar Farg‘ona viloyatidagi tuman va shahar davlat xizmatlari markazlariga 29214 nafar fuqaro o‘zboshimchalik bilan qurgan turar-joylariga nisbatan mulk huquqini e’tirof etish masalasida murojaat qilgan.
Davlat xizmatlari agentligi Farg‘ona viloyat boshqarmasi tomonidan mazkur murojaatlar tahlil qilinganda, shahar-tuman komissiyalari tomonidan ularning 10706 tasi (36,6 foizi) ko‘rib chiqilib, shundan 6756 tasi (63 foizi) ijobiy hal etilgani, 3950 tasi (37 foizi) rad qilingani aniqlandi.
Natijada, belgilangan muddatlarda ko‘rib chiqilmayotgan murojaatlar yuzasidan hamda o‘z xizmat vazifalariga mas’uliyatsizlik bilan yondashgan shaxslarga nisbatan 39 ta ogohnoma, 8 ta taqdimnoma kiritildi, 5 nafar aybdor shaxs intizomiy javobgarlikka tortildi.
Shundan keyin ham o‘z xatolaridan to‘g‘ri xulosa chiqarmagan 40 nafar mansabdor shaxs, jumladan 5 nafar komissiya raisi – tuman hokimi o‘rinbosarlariga nisbatan eng kam oylik ish haqining 3 baravaridan 5 baravarigacha miqdorida jarima jazosi qo‘llanildi.
Izoh (0)