5—6-fevral kunlari futbol bo‘yicha Fransiya Kubogining 1/8 final bahslari doirasida 7 ta uchrashuv yakunlandi.
6-fevral, chorshanba kuni Tomas Tuxel qo‘l ostidagi PSJ klubi safarda Fransiya chempionatining 3-divizionida to‘p suradigan “Vilfransh” jamoasini sinovdan o‘tkazdi.
Uchrashuvning asosiy vaqtida darvozalar daxlsizligi saqlanib qolindi.
Birinchi 15-daqiqalik bo‘limning 12-daqiqasida (102) Yulian Draksler hisobni ochgan bo‘lsa, oradan 11 daqiqa o‘tib Abu Diabi hisobni 2:0 ko‘rinishiga olib keldi. O‘yindagi so‘nggi gol 119-daqiqada kiritildi. Unga urugvaylik hujumchi Edinson Kavani mualliflik qildi (3:0).
Shu tariqa PSJ “Vilfransh” darvozasiga javobsiz 3 ta gol urib, keyingi bosqichga chiqdi.
Eslatib o‘tamiz, 7-fevral, payshanba kuni musobaqa nimchorak final bahsining oxirgi bellashuvida “Lion” klubi “Gengam” mehmoni bo‘ladi. uchrashuv Toshkent vaqti bilan soat 01:00 da start oladi.
Fransiya Kubogi
1/8 final bahslari
5-fevral, seshanba
“Nant”—“Tuluza” 2:0
Gollar: 1:0 — 8 Kulibali, 2:0 — 41 Limbombe.“Metts”—“Orlean” 0:1
Gol: 0:1 — 20, penalti, Lekesh.“Iris Klub de Krua”—“Dijon” 0:3
Gollar: 0:1 — 6, penalti, Tavaresh, 0:2 — 27 Balmon, 0:3 — 90 Said.“Bastiya”—“Kan” 2:2 (penaltilar seriyasi — 3:5)
Gollar: 0:1 — 4 Tchokunte, 1:1 — 70 Poji, 1:2 — 95 Ninga, 2:2 — 117 Santelli.6-fevral, chorshanba
“Vilfransh”—PSJ 0:3
Gollar: 0:1 — 102 Draksler, 0:2 — 113 Diabi, 0:3 — 119 Kavani.“Vitre”—“Lion-Dyusher” 3:2
Gollar: 0:1 — 8 Rivas, 0:2 — Rivas, 1:2 — 32 Gro, 2:2 — 41 Le Borgne, 3:2 — 90, penalti, Laurent.“Renn”—“Lill” 2:1
Gollar: 0:1 — 65 Pepe, 1:1 — 74 Syebatsho, 2:1 — 90 Syebatsho.7-fevral, payshanba
“Gengam”—“Lion” 01:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)