7 yoshli Itan Xaushuls kaltaklangani, 20 kilogrammli xodani ko‘tarib yurishga majburlangani, keyin yupun holda qorga dafn qilingani oqibatida vafot etgan — bularning hammasi bolaning Bibliyadagi 13 ta oyatni unutganligi uchun jazo bo‘lgan, deya xabar beradi “ForumDaily”.
15 yoshli Damian Xaushuls beparvolik sababli birinchi darajali qotillikda ayblangan, unga qo‘shimcha ravishda oltita ayblov qo‘yilgan, jumladan, bolaga jismoniy zo‘rlik ishlatish va jiddiy tan jarohatlari yetkazish.
Damianning otasi, 48 yoshli Timoti Xaushulsga jinoyat va beshta qonunbuzarlik ayblovi qo‘yilgan.
35 yoshli Tina MakKiyever-Xaushuls ushbu harakatlarni oldini ololmaganlikda va bolaga nisbatan jinoiy harakatlarda ishtirok etganlikda ayblanmoqda.
Ma’lum bo‘lishicha, Timoti Itanni 13 ta oyatni bilmaganligi uchun jazolashini buyurgan. Jazo hafta davomida kamida ikki soat xoda tashishdan iborat.
Timoti yog‘och tanlab berar ekan, Damian yosh bolalarga jazo berishni nazorat qilishi lozim edi. (Itanning egizak ukasi bo‘lib, u ham shu usullarda jazolangan).
Kichkina Itan o‘tinni tashishga harakat qilar ekan, Damian uni kamida 100 marta oyoq bilan tepar, ba’zan kamar yoki tayoq yordamidan urardi.
Damian bolaning ko‘kragiga 20 kilogrammli to‘nkani qo‘yib, uni bolaning ustida yurgizgan, keyin uni ustiga turib, bolani tiriklayin ko‘mgan.
Itan sovuqqotishdan vafot etgan, ammo unda bosh, ko‘krak va qorin bo‘shlig‘i shikastlanishi, qovurg‘asi sinishi kabi boshqa jarohatlar ham bo‘lgan.
Izoh (0)