7 ёшли Итан Хаушульс калтаклангани, 20 килограммли ходани кўтариб юришга мажбурлангани, кейин юпун ҳолда қорга дафн қилингани оқибатида вафот этган — буларнинг ҳаммаси боланинг Библиядаги 13 та оятни унутганлиги учун жазо бўлган, дея хабар беради «ForumDaily».
15 ёшли Дамиан Хаушульс бепарволик сабабли биринчи даражали қотилликда айбланган, унга қўшимча равишда олтита айблов қўйилган, жумладан, болага жисмоний зўрлик ишлатиш ва жиддий тан жароҳатлари етказиш.
Дамианнинг отаси, 48 ёшли Тимоти Хаушульсга жиноят ва бешта қонунбузарлик айблови қўйилган.
35 ёшли Тина МакКиевер-Хаушульс ушбу ҳаракатларни олдини ололмаганликда ва болага нисбатан жиноий ҳаракатларда иштирок этганликда айбланмоқда.
Маълум бўлишича, Тимоти Итанни 13 та оятни билмаганлиги учун жазолашини буюрган. Жазо ҳафта давомида камида икки соат хода ташишдан иборат.
Тимоти ёғоч танлаб берар экан, Дамиан ёш болаларга жазо беришни назорат қилиши лозим эди. (Итаннинг эгизак укаси бўлиб, у ҳам шу усулларда жазоланган).
Кичкина Итан ўтинни ташишга ҳаракат қилар экан, Дамиан уни камида 100 марта оёқ билан тепар, баъзан камар ёки таёқ ёрдамидан урарди.
Дамиан боланинг кўкрагига 20 килограммли тўнкани қўйиб, уни боланинг устида юргизган, кейин уни устига туриб, болани тириклайин кўмган.
Итан совуққотишдан вафот этган, аммо унда бош, кўкрак ва қорин бўшлиғи шикастланиши, қовурғаси синиши каби бошқа жароҳатлар ҳам бўлган.
Изоҳ (0)