O‘zbekistonlik yangi yil qahramoni Qorbobo buryatiyalik hamkasbi Ded Moroz Sagaan Ubgenani yo‘qlab borgan, deya xabar beradi “Sputnik”.
Qorbobo tashrifi doirasida hamkasbining qarorgohi joylashgan Baykal orti hududi xalqlarining Etnografik muzeyiga tashrif buyurdi.
O‘zbekistonlik mehmon uchun maxsus folklor ansambllari konsert namoyish qilgan.
Bundan tashqari, Qorbobo Ivolginskiy Datsanga kirib, monastir majmuasi bo‘ylab Pandito Hambo Lama Etigelovga ta’zim bajo keltirgan.
Qorbobo shuningdek, Ulan-Ude shahridagi nogiron bolalar uchun “Svetly” reabilitatsiya markaziga tashrif buyurishni va bolalarga shirinliklar ulashishni rejalashtirgan.
Buryatiyada oq oylik “Sagaalgan” bayrami oy-quyosh taqvimiga ko‘ra Yangi yil sanaladi.
Izoh (0)