Rafiqasiga cho‘milish kiyimi buyurtma qilgan fransiyalik erkak o‘z buyurtmasi o‘rniga 20 ming yevrolik tilla tangalar va oltin yombini oldi, deb xabar berdi “Zakon.kz”.
Jo‘natma 27 yoshli Jyulyen Shan’oga Van shahridan yetkazib berilgan.
Erkak paketning og‘irligidan shubhalandi, chunki u cho‘milish kiyimi uchun juda og‘ir edi.
Jyulyen paketni ochib, uning ichida XX asr boshlariga tegishli 700 gramm oltin yombi va tilla tangalar borligini ko‘rdi. Erkak jo‘natmani yuborishda mantiqiy xatoga yo‘l qo‘yilganini sezib, uni shahar komissariatiga olib borib topshirdi. Shu tarzda u politsiay yordamida oltinning haqiqiy egasini topdi.
Jyulyen va uning rafiqasi o‘zlari buyurtma bergan cho‘milish kiyimini haligacha ololgani yo‘q. Mart oyida ular Vyetnamga ketadi, deyiladi xabarda.
Izoh (0)