Janubi-g‘arbiy maxsus harbiy okrugiga qarashli “Pachkamar” dala-o‘quv maydonida navbatdagi amaliy mashg‘ulotlar o‘tkazildi. Bu haqda Mudofaa vazirligi matbuot xizmati “Daryo”ga ma’lum qildi.
Mashg‘ulot avvalida harbiy xizmatchilar o‘zlarining jismoniy tayyorgarligini yana bir bor sinovdan o‘tkazish maqsadida maxsus to‘siqli yo‘lakdan o‘tishdi. Turli-tuman to‘siqlardan iborat yo‘lakni mahorat bilan bosib o‘tgan harbiy xizmatchilar otish mashg‘ulotlariga yo‘l oldi.
O‘tochar qurollardan o‘q otish mashg‘ulotlarida alohida va guruh tarkibida amaliy mashqlarni bajarish chog‘ida ishtirokchilarning egallagan tajriba va ko‘nikmalari to‘laqonli namoyon bo‘ldi.
“Merganlarga qo‘yilgan talab eng avvalo ko‘zga tashlanmaslik, tovush chiqarmaslik, dushmanni istalgan masofa va holatda bexato nishonga olish. O‘tkazilgan mashg‘ulotlarda ham asosiy e’tibor harbiy xizmatchilarning jangovar ruhini yuksaltirishga qaratildi”, – deydi “Sodiq xizmatlari uchun” medali sohibi podpolkovnik Sherzod Madrahimov.
Izoh (0)