2—3-fevral kunlari futbol bo‘yicha Fransiya chempionatining 23-turi doirasida bir qator uchrashuvlar yakunlandi.
2-fevral, shanba kuni Leonardu Jardim qo‘l ostidagi “Monako” klubi o‘z maydonida “Tuluza” klubini qabul qildi.
Bellashuvning 14-daqiqasida Aleksandr Golovin Jelson Martinsh uzatmasini golga aylantirgan bo‘lsa, oradan 6 daqiqa o‘tib Kristofer Julliyen hisobni tenglashtirdi (1:1).
2-bo‘limning 63-daqiqasida Sesk Fabregas “Tuluza” darvozasini ishg‘ol qildi va o‘yin qahramoniga aylandi.
Va nihoyat Knyazlik klubi “Tuluza”ni kichik hisobda mag‘lub etdi va muhim 3 ochkoga ega bo‘ldi.
3-fevral, yakshanba kuni turning markaziy o‘yini bo‘lib o‘tdi. Unda musobaqa jadvalida peshqadamlik qilayotgan PSJ klubi safarda “Lion” bilan jang qildi.
Uchrashuvning 7-daqiqasidayoq parijliklar yarim himoyachisi Anhel Di Mariya hisobni ochgan bo‘lsa, 33-daqiqaga kelib Mussa Dembele Leo Dyubua uzatgan to‘pni Alfons Areola darvozasiga joylab qo‘ydi.
2-bo‘limning 4-daqiqasida (49) PSJ darvozasi tomon 11 metrlik jarima zarbasi belgilandi. “Lion” futbolchisi Nabil Fekir esa bundan unumli foydalanib, jamoasining g‘alabasini ta’minladi.
Shu tariqa PSJ mehmondagi o‘yinda mag‘lubiyatga uchradi.
Liga 1
23-tur bahslari
2-fevral, shanba
“Reyms”—“Marsel” 2:1
Gollar: 1:0 — 21 Dingome, 2:0 — 68 Hyonjun, 2:1 — 86 N’ji.“Anje”—“Dijon” 1:0
Gol: 1:0 — 27 Bahoken.“Monako”—“Tuluza” 2:1
Gollar: 1:0 — 14 Golovin, 1:1 — 20 Julliyen, 2:1 — 63 Fabregas.“Renn”—“Amyen” 1:0
Gol: 1:0 — 82 Zeffan.3-fevral, yakshanba
“Nim”—“Monpelye” 1:1
Gollar: 1:0 — 2 Landre, 1:1 — 73 Delor.“Lion”—PSJ 2:1
Gollar: 0:1 — 7 Di Mariya, 1:1 — 33 Dembele, 2:1 — 49, penalti, Fekir.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)