2—3 февраль кунлари футбол бўйича Франция чемпионатининг 23-тури доирасида бир қатор учрашувлар якунланди.
2 февраль, шанба куни Леонарду Жардим қўл остидаги «Монако» клуби ўз майдонида «Тулуза» клубини қабул қилди.
Беллашувнинг 14-дақиқасида Александр Головин Желсон Мартинш узатмасини голга айлантирган бўлса, орадан 6 дақиқа ўтиб Кристофер Жуллиен ҳисобни тенглаштирди (1:1).
2-бўлимнинг 63-дақиқасида Сеск Фабрегас «Тулуза» дарвозасини ишғол қилди ва ўйин қаҳрамонига айланди.
Ва ниҳоят Князлик клуби «Тулуза»ни кичик ҳисобда мағлуб этди ва муҳим 3 очкога эга бўлди.
3 февраль, якшанба куни турнинг марказий ўйини бўлиб ўтди. Унда мусобақа жадвалида пешқадамлик қилаётган ПСЖ клуби сафарда «Лион» билан жанг қилди.
Учрашувнинг 7-дақиқасидаёқ парижликлар ярим ҳимоячиси Анҳел Ди Мария ҳисобни очган бўлса, 33-дақиқага келиб Мусса Дембеле Лео Дюбуа узатган тўпни Альфонс Ареола дарвозасига жойлаб қўйди.
2-бўлимнинг 4-дақиқасида (49) ПСЖ дарвозаси томон 11 метрлик жарима зарбаси белгиланди. «Лион» футболчиси Набил Фекир эса бундан унумли фойдаланиб, жамоасининг ғалабасини таъминлади.
Шу тариқа ПСЖ меҳмондаги ўйинда мағлубиятга учради.
Лига 1
23-тур баҳслари
2 февраль, шанба
«Реймс»—«Марсель» 2:1
Голлар: 1:0 — 21 Дингоме, 2:0 — 68 Ҳёнжун, 2:1 — 86 Нъжи.«Анже»—«Дижон» 1:0
Гол: 1:0 — 27 Баҳокен.«Монако»—«Тулуза» 2:1
Голлар: 1:0 — 14 Головин, 1:1 — 20 Жуллиен, 2:1 — 63 Фабрегас.«Ренн»—«Амьен» 1:0
Гол: 1:0 — 82 Зеффан.3 февраль, якшанба
«Ним»—«Монпелье» 1:1
Голлар: 1:0 — 2 Ландре, 1:1 — 73 Делор.«Лион»—ПСЖ 2:1
Голлар: 0:1 — 7 Ди Мария, 1:1 — 33 Дембеле, 2:1 — 49, пенальти, Фекир.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)