Joriy yilning 1-fevral kuni Vazirlar Mahkamasi ayrim ma’lumotlarni rasman e’lon qilish bo‘yicha cheklovlarni olib tashlash to‘g‘risida qarori qabul qildi. Bu haqda “Huquqiy axborot” Telegram kanali xabar berdi.
Qarorga muvofiq, foydali qazilmalarning zaxira va resurslari, ularning qazib olish va sotish hajmlari, mablag‘larning taqsimlanish to‘g‘risidagi ma’lumotlar, Tiklanish va taraqqiyot jamg‘armasi, “Olmaliq KMK” AJ va “Navoiy KMK” DKning 2013-yildan boshlab milliy va xalqaro standartlar asosidagi moliyaviy hisobotlarini e’lon qilish bo‘yicha cheklovlar olib tashlangan.
Shuningdek, 2017-yilning 1-yanvar holatigacha davlat oltin valyuta-zaxiralarining yillik hajmlari va ularning tarkibi, davlat va davlat tomonidan kafolatlangan (ichki va tashqi) qarzlarning umumiy hajmi, ularning manbalari, valyutalari, foiz stavkalari, so‘ndirish muddatlari, shuningdek qarzdor tashkilotlar kesimida o‘zlashtirilishi va qaytarilishi bo‘yicha ma’lumotlarni e’lon qilish bo‘yicha ham endi cheklov mavjud emas.
Izoh (0)