Floridada tasodifiy guvoh ona va bolani cho‘kayotgan avtomobildan qutqardi

Floridadagi avtomagistral bo‘ylab oqayotgan hovuzda cho‘kayotgan avtomobildan ona va bola qutqarib qolindi, deya xabar beradi “Forum Daily”.

Hodisaga guvoh bo‘lgan qutqaruvchilar shu zahoti ona va bolani qutqarib qolgan. Ular u qadar ahamiyatli bo‘lmagan shikastlar bilan mahalliy kasalxonaga yetkazilgan.

Mahalliy aholi Migel Enrike ularni qutqarish maqsadida suvga sakragani haqida quyidagicha hikoya qilgan:

“Men qahramon emasman. Men uchun asosiysi ikki insonning hayoti saqlab qolingani. Men avval bolani qutqarib oldim so‘ngra esa onani olib chiqish uchun qaytdim”.

Enrike va uning hamkasblari hovuz yaqinidagi daraxtlarni kesayotan landshaft jamoasidan bo‘lgan.

“Men suvga sakraganimda u yer chuqur yoki sayozligini bilmadi, men uchun asosiysi ularni qutqarish edi. Sababi mening ham oilam bor va ehtimol ertaga ularga ham yordam kerak bo‘lar”, — deya o‘z harakatlarini izohladi erkak.

Suratlardan avtomobil butunlay suvga g‘arq bo‘lganining guvohi bo‘lish mumkin.

Hodisa sabablari o‘rganilmoqda.