Venesuela harbiy havo kuchlarining strategik rejalashtirish bo‘yicha direktori va divizion generali Fransisko Esteban Yanes Rodriges videomurojaat bilan chiqish qilib, Xuan Guaidoni Venesuela rahbari sifatida tan olishini ma’lum qildi.
Generalning so‘zlariga ko‘ra, u “Nikolas Maduroning diktatorlik hokimiyati”ni tan olmaydi va Guaidoning buyruqlarini bajarishga tayyor. Rodrigesning qo‘shimcha qilishicha, harbiy xizmatchilarning 90 foizi Maduroni qo‘llab-quvvatlamaydi.
https://twitter.com/SContrerasB/status/1091664599622008833
O‘z navbatida Venesuela harbiy havo kuchlari va uning qo‘mondonlariga tegishli Twitter’dagi sahifalarida ustiga “Sotqin!” deb yozilgan Rodriges videomurojaatidan skrinshotlar paydo bo‘ldi.
https://twitter.com/Cmdte_Aviacion/status/1091681205236445185
Xuan Guaido — Venesuelaning muxolifatchi parlamenti yetakchisi. U 2019-yil yanvarida prezident Nikolas Maduroni uzurpator (hokimiyatni zo‘rlik bilan egallab olgan shaxs) deb atab, o‘zini mamlakatning muvaqqat prezidenti deb e’lon qildi. Parlament vakillarining fikricha, Venesuela konstitutsiyasi parlament yetakchisiga shunday yo‘l tutish huquqini beradi.
Izoh (0)