Венесуэла ҳарбий ҳаво кучлари генерали Хуан Гуаидони Венесуэла раҳбари сифатида тан олишини эълон қилди

Венесуэла ҳарбий ҳаво кучларининг стратегик режалаштириш бўйича директори ва дивизион генерали Франциско Эстебан Янес Родригес видеомурожаат билан чиқиш қилиб, Хуан Гуаидони Венесуэла раҳбари сифатида тан олишини маълум қилди.

Генералнинг сўзларига кўра, у «Николас Мадуронинг диктаторлик ҳокимияти»ни тан олмайди ва Гуаидонинг буйруқларини бажаришга тайёр. Родригеснинг қўшимча қилишича, ҳарбий хизматчиларнинг 90 фоизи Мадурони қўллаб-қувватламайди.

ÚLTIMA HORA!
General reconoce a @jguaido como presidente y llama a desconocer a Maduro
Se trata del General de División Francisco Esteban Yánez Rodríguez (7.101.984)
Presidente de la Junta Permanente de Evaluación de la Comandancia General de la Aviación Militar Bolivariana. pic.twitter.com/agsPhF3Hua

— Sergio Contreras B:. (@SContrerasB) February 2, 2019

Ўз навбатида Венесуэла ҳарбий ҳаво кучлари ва унинг қўмондонларига тегишли Twitter’даги саҳифаларида устига «Сотқин!» деб ёзилган Родригес видеомурожаатидан скриншотлар пайдо бўлди.

No se podía esperar menos del TRAIDOR GD Francisco Esteban Yanez Rodriguez, sobrino del corrupto Gral Yanez Mendez que por cierto tiene un expediente en la Contraloría General de la #FANB por corrupto!#LealesSiempreTraidoresNunca pic.twitter.com/82FxEE70V8

— GJ. Pedro Juliac (@GJPedroJuliac) February 2, 2019

Хуан Гуаидо — Венесуэланинг мухолифатчи парламенти етакчиси. У 2019 йил январида президент Николас Мадурони узурпатор (ҳокимиятни зўрлик билан эгаллаб олган шахс) деб атаб, ўзини мамлакатнинг муваққат президенти деб эълон қилди. Парламент вакилларининг фикрича, Венесуэла конституцияси парламент етакчисига шундай йўл тутиш ҳуқуқини беради.