Odilxon qori Yunusxon o‘g‘li Toshkentdagi “Xo‘ja Alambardor” masjidiga imom-xatib etib tayinlandi

O‘zbekiston musulmonlari idorasi raisi, muftiy Usmonxon Alimovning buyrug‘i bilan Odilxon qori Yunusxon o‘g‘li Toshkent shahar,  Shayxontohur tumani, “Xo‘ja Alambardor” masjidiga imom-xatib etib tayinlandi. Bu haqda “Daryo” manbasi ma’lum qildi.

Taniqli diniy ulamo Odilxon qori Yunusxon o‘g‘li bugunga qadar O‘zbekiston Musulmonlari idorasi huzuridagi “Vaqf” xayriya jamoat fondining Diniy-ma’rifiy targ‘ibot bo‘limiga rahbar sifatida faoliyat yuritayotgan edi. Shuningdek, u uzoq yillar “Shayx Zayniddin” masjidi imom xatibi vazifasida ishlagan.