23-yanvar, chorshanba kuni serbiyalik mutaxassis Lyubinko Drulovich futbol bo‘yicha O‘zbekiston olimpiya terma jamoasiga bosh murabbiy etib tayinlandi, deb xabar beradi MOQ matbuot xizmati.
“Avvalambor menga bildirilayotgan ishonch uchun o‘zim va yordamchilarim nomidan rahmat aytaman. Biz birgalikda harakat qilib, Tokio—2020 Olimpiadasiga bora olamiz. Umid qilamanki, hamkorligimiz samarali bo‘ladi”, – deydi Drulovich.
Yangi murabbiy bilan kelishuv Tokio—2020 Olimpiadasiga qadar amal qiladi.
Ma’lumot uchun, murabbiy Serbiya U-19 terma jamoasi bilan Yevropa chempioni bo‘lgan.
Murabbiy sifatida erishgan yutuqlari:
- Angola Superkubogi g‘olibi – “Agosto” FK 2010—2011-yil
- Yevropa U-19 Chempionati g‘olibi – Serbiya 2013-yil
- “Partizan” FK bilan Yevropa Ligasi ishtirokchisi – 2015—2016-yil
- Serbiyada yilning eng yaxshi murabbiyi – 2013-yil.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)