Toshkent viloyatida yaqin vaqt ichida gazobeton bloklar, shuningdek, avtoklav usulida ishlab chiqariladigan gazobeton plitalarini ishlab chiqarish bo‘yicha zavodlar qurilishi loyihasini amalga oshirish rejalashtirilmoqda. Bu haqda “Podrobno.uz” xabar bermoqda.
Korxona uchun qurilmani Germaniyaning German Wehrhahn GmbH kompaniyasi yetkazib beradi. Bu haqdagi kelishuv Berlinda nemis kompaniyasi va East Mining Investment o‘zbek-turk QK vakillari tomonidan imzolandi.
Loyihaning umumiy qiymati 130 million yevroni tashkil etib, ulardan 50 million yevrosi — xorijiy investitsiya. Loyiha tashabbuschilarining so‘zlariga qaraganda, yaratiladigan quvvatlar energiya samaradorligi bo‘yicha MDH mamlakatlari uchun noyobdir. Shuningdek, qo‘shni mamlakatlarga xalqaro standartlarga to‘la mos tushuvchi mahsulotlar eksportini yo‘lga qo‘yish rejalashtirilmoqda.
Izoh (0)