Toshkent viloyatining Zangiota tumani markazida tadbirkor Abdusafi Tursunov tomonidan qisqa muddat ichida maktabgacha ta’lim muassasasi qurib foydalanishga topshirildi.
Ochilish marosimda tuman hokimi Abduvahob Tamikayev, sektorlar rahbarlari, faollar, mehmonlar ishtirok etdi va muassasada kichkintoylar uchun yaratilgan sharoitlar bilan yaqindan tanishdi.
2018-yilda 15 ta bog‘cha foydalanishga topshirilib, 1230 nafar o‘g‘il-qizni o‘z bag‘riga olgan edi. Joriy yilda yana shuncha bog‘cha qurib ularga 1600 nafar kichkintoylarni qamrab olishni rejalashtirganmiz. Davlat Dasturi vazifalarini bajarishda, yurtimiz xususan tumanimizni gullatib yashnatishda biz bilan yelkama-yelka turib o‘z xissasini qo‘shayotgan tadbirkorlarimizga minnatdorchilik bildiraman va ularning ishlariga rivoj tilayman.Abduvahob Tamikayev, Zangiota tumani hokimi
Muassasa rusiyzabon bolalar uchun mo‘ljallangan bo‘lib, mashg‘ulotlar “Ilk qadam” dasturi asosida olib boriladi. Bolalar ingliz, fransuz tillari, raqs, gimnastika, taekvondo, shaxmat to‘garaklarida har tomonlama chiniqtiriladi.
Binoga to‘rt tarafdan quyosh nurlari tushib turadi. Shuning uchun MTMni “Solnechniy sad” deb atadik. Kelgusida yana boshlang‘ich maktab, tibbiy xizmat ko‘rsatadigan binolar qurish rejamda bor.Abdusafi Tursunov, tadbirkor
“Solnechniy sad” MTM 100 bolaga mo‘ljallangan, hozirda 50 bola bog‘chaga qabul qilingan.
Izoh (0)