Тошкент вилоятининг Зангиота тумани марказида тадбиркор Абдусафи Турсунов томонидан қисқа муддат ичида мактабгача таълим муассасаси қуриб фойдаланишга топширилди.
Очилиш маросимда туман ҳокими Абдуваҳоб Тамикаев, секторлар раҳбарлари, фаоллар, меҳмонлар иштирок этди ва муассасада кичкинтойлар учун яратилган шароитлар билан яқиндан танишди.
2018 йилда 15 та боғча фойдаланишга топширилиб, 1230 нафар ўғил-қизни ўз бағрига олган эди. Жорий йилда яна шунча боғча қуриб уларга 1600 нафар кичкинтойларни қамраб олишни режалаштирганмиз. Давлат Дастури вазифаларини бажаришда, юртимиз хусусан туманимизни гуллатиб яшнатишда биз билан елкама-елка туриб ўз хиссасини қўшаётган тадбиркорларимизга миннатдорчилик билдираман ва уларнинг ишларига ривож тилайман.Абдуваҳоб Тамикаев, Зангиота тумани ҳокими
Муассаса русийзабон болалар учун мўлжалланган бўлиб, машғулотлар «Илк қадам» дастури асосида олиб борилади. Болалар инглиз, француз тиллари, рақс, гимнастика, таэквондо, шахмат тўгаракларида ҳар томонлама чиниқтирилади.
Бинога тўрт тарафдан қуёш нурлари тушиб туради. Шунинг учун MTMни «Солнечний сад» деб атадик. Келгусида яна бошланғич мактаб, тиббий хизмат кўрсатадиган бинолар қуриш режамда бор.Абдусафи Турсунов, тадбиркор
«Солнечний сад» MTM 100 болага мўлжалланган, ҳозирда 50 бола боғчага қабул қилинган.
Изоҳ (0)