Россиянинг «Внуково» аэропорти божхона ходимлари Ўзбекистондан ветеринар сертификатсиз келтирилган 13 партия гўшт маҳсулотларини қўлга олди. Бу ҳақда «Вести Подмосковья» порталига таяниб, Sputnik хабар қилмоқда.
Минтақадаги Россельхознадзор бошқармаси вакилининг журналистларга маълум қилишича, хавфли маҳсулотлар йўловчиларнинг қўл юкидан топилган. Йўловчилар ҳеч қандай керакли ҳужжатни тақдим этолмаган.
Эслатиб ўтамиз, аввалроқ Россия Ўзбекистондан келаётган йўловчилар учун багажи ва қўл юкида ўсимлик маҳсулотларини олиб келишларига вақтинчалик чеклов ўрнатган эди.
Нозирлар 2018 йилда жами 134 марта карантинда бўлган маҳсулотларни келтириш ҳолатларини қайд этишган. 2017 йилда шунга ўхшаш ҳолатлар 190 марта кузатилган.
Изоҳ (0)