O‘zbekistonliklar o‘tgan yilda eng ijobiy o‘zgarishlar bo‘lgan sohani ma’lum qildi

Rivojlanish strategiyasi markazi 2018-yilda o‘tkazilgan islohotlar natijalari bo‘yicha jamoatchilik fikri so‘rovnomasini o‘tkazdi, deb yozadi “Novosti Uzbekistana”.

So‘rovnoma davomida mamlakatda 2018-yilgi taraqqiyot natijalari to‘g‘risidagi savollar berildi. Jumladan, taraqqiyotning beshta ustuvor yo‘nalishi islohotlari va jamiyatdagi boshqa muhim o‘zgarishlarga baho berildi.

So‘rovnomada respublikaning barcha viloyatlaridan 9 440 kishi ishtirok etdi. Shuningdek, unda xorijda yashayotgan 130 nafar o‘zbekistonlik ham qatnashdi.

Iqtisodiyotning qaysi sohalari 2018-yilda eng ijobiy o‘zgarishlarga uchraganligi haqidagi savolga so‘rovnoma ishtirokchilarining katta qismi turizm sohasi deb javob bergan.

Turizmni rivojlantirish — 7 597 (80,4 foiz)

Investitsion muhitni yaxshilash — 6 971 (73,8 foiz)

Bank-moliya sohasini rivojlantirish — 6 952 (73,6 foiz)

Hududlarni rivojlantirish — 6 356 (67,3 foiz)

Soliqqa tortish tizimini takomillashtirish — 5 799 (61,4 foiz)

Qishloq xo‘jaligini rivojlantirish — 5 724 (60,6 foiz).