Peruda 12 yoshli bola bir kunga vazir bo‘ldi

12 yoshli Xesus Mamani Ramos ismli bola bir kunga Peruning rivojlanish va ijtimoiy integratsiya vaziri bo‘ldi. Bu haqda “RIA Novosti” xabar berdi.

Peru ayni paytda “Birgalikda Peru” ijtimoiy dasturini amalga oshirmoqda. Dasturning maqsadi ta’lim, sog‘liqni saqlash sohalarida aholining nochor qatlamiga turli xizmat va imkoniyatlar taqdim etishdan iborat. 2017-yilda Peruda kambag‘allar soni 375 ming kishiga ko‘paygan va 6,9 million kishiga yetgan. Peruning aholisi soni 2017-yilda 32,17 million kishini tashkil etgan bo‘lib, mamlakatdagi nochorlik darajasi 18 foizni tashkil qiladi.

Dastur doirasida nochor oilalarning bolalari Rojdestvo tilaklarini yozgan. Peruning janubi-sharqidagi Puno shahrida yashovchi Xesus Ramos o‘z tilagida qiyin vaziyatga tushib qoilgan bolalarga yordam berish istagini yozgan. Peruning rivojlanish va ijtimoiy integratsiya vaziri Liliana La Rosa bolani poytaxtga ishga taklif qilgan.

Qasamyod qabul qilish marosimida bolaning onasi, shuningdek, dasturda ishtirok etuvchi bolalar qatnashgan.

Vazirning ma’lum qilishicha, Xesusning kun tartibi juda tig‘iz, u vazirlik rahbariyati bilan yig‘ilishda ishtirok etadi.