Har kuni O‘zbekiston aholisining uchdan ikki qismi (67 foizi) sabzavot va mevalarni yetarli miqdorda iste’mol qilmaydi. Bu haqda 2014—2015-yillarda Sog‘liqni saqlash vazirligining Jahon sog‘liqni saqlash tashkiloti bilan birgalikda mamlakatda 18—64 yoshdagi aholisi orasida o‘tkazgan tadqiqot natijalariga asosan Jamiyat salomatligi va sog‘liqni saqlashni tashkil etish ilmiy tadqiqot instituti direktori o‘rinbosari Azizbek Nizomovning ma’lumot berdi, deb yozadi O‘zA.
Aholining 46 foizida qondagi xolesterin darajasi ortgan, erkaklarning 42 foizi va ayollarning 1,5 foizi tamakiga ruju qo‘ygan va aholining deyarli uchdan bir qismida yuqori arterial bosim qayd etilgan.
Aholi orasida bir kunda iste’mol qilinayotgan tuz miqdori o‘rtacha 14,9 grammni tashkil qiladi, bu esa Jahon sog‘liqni saqlash tashkiloti tavsiya etgan ko‘rsatkichdan 3 baravar ortiqdir.
Izoh (0)