Qirg‘izistonda uloqdan so‘ng 1 mln dollarga baholangan ot o‘lib qoldi (video)

Qirg‘izistonning Chuyviloyati, Manas qishlog‘idagi o‘tkazilgan uloq musoboqasida ishtirokidan so‘ng mamlakatdagi eng katta Baron laqabli ot o‘ldi. Bu haqda Sputnik xabar bermoqda.

“Musobaqadan keyin Baron bilan olomon orasidan o‘tib ketayotgandik. Birdan u yerga qulab, jon berdi. Odamlar negadir mullanichaqirishdi. Hamma qayg‘uda edi, ayrimlar yig‘ladi ham. Baron Osiyodagi eng qimmat ot edi. Uning o‘limiga nima sabab bo‘lganini bilmayman”, — deydi otning egasi Olmos Qo‘ldoshev.

Qo‘ldoshevga ko‘ra, xaridorlar jonivor uchun million dollar to‘lashga tayyor edi. Oxirgi marotaba unga ikki kun avval Baronni sotishni taklif qilishgan.

Vazni 920 kilogramm bo‘lgan Baron 2012-yilda Rossiyadan, Omskdan keltirilgan, o‘shanda jonivor 5 ming dollarga xarid qilingandi.