27-dekabr kuni Moliya vazirligi Markaziy bank bilan birgalikda O‘zbekiston Respublika valyuta birjasida muomala davri 12 oy bo‘lgan 1 million so‘m nominal qiymatga ega, umumiy hajmi 200 milliard so‘mlik 200 ming dona davlat qimmatli qog‘ozlarini joylashtirish bo‘yicha auksion o‘tkazildi, deb xabar berdi Markaziy bank matbuot xizmati.
Qimmatli qog‘ozlar bo‘yicha foiz to‘lovlar har chorak amalga oshiriladi.
Auksionda 8 ta diler ishtirok etib, ular tomonidan 229,3 milliard so‘m hajmidagi 225 760 dona obligatsiyani sotib olish uchun raqobatli buyurtmanomalar taklif etildi.
Auksion davomida 203,1 milliard so‘m miqdoridagi 200 000 dona qimmatli qog‘ozlar joylashtirildi.
Qimmatli qog‘ozlarni so‘ndirish kuni (2019-yil 27-dekabr) auksionda joylashtirilgan davlat qimmatli qog‘ozlarning so‘ndiriladigan umumiy hajmi 232 milliard so‘mni tashkil etadi.
Qimmatli qog‘ozlarning o‘rtacha tortilgan daromadliligi yillik 14,22 foizni tashkil etdi, bunda minimal daromadlilik darajasi - 14,12 foizni va chegirish narx bo‘yicha maksimal daromadlilik darajasi - 14,25 foizni tashkil etdi.
Izoh (0)