2018-yilning 24-dekabrida “Qo‘qon mexanika zavodi” AJ aksiyalarini xarid qilish uchun talabnomalarni yig‘ish yakunlandi.
Obuna kampaniyasi yakunlariga ko‘ra, ikki ming sakkiz yuzdan ortiq investorlar O‘zbekistonning eng yirik korxonalaridan birining aksiyalari egasi bo‘ldi va dividend tarzida daromad olish, shuningdek fond birjasida aksiyalar qiymati o‘zgarganda oldi-sotdi operatsiyalarini amalga oshirish imkoniyatini qo‘lga kiritdi. O‘tkazilgan kampaniya yakunlariga ko‘ra, obunaga qo‘yilgan qimmatli qog‘ozlar to‘liq hajmda sotildi.
2018-yil 26-dekabr, Toshkent. —“Qo‘qon mexanika zavodi” AJ SPO aksiyalari ommaviy taklifi O‘zbekiston fond bozorini rivojlantirishda muhim qadam bo‘ldi hamda fuqarolar va biznesga mamlakatning investitsiya salohiyatini ochib berdi. Obuna kampaniyasi mobaynida Freedom Finance XK MChJ mutaxassislari tomonidan 3,3 mingtadan ortiq yangi mijozlarga hisobvaraqlari ochildi.
Ikkilamchi ommaviy taklif (SPO) doirasida “QMZ” AJning 2,2 million dona aksiyalarini sotuvga chiqarish rejalashtirilgan edi. “Toshkent” fond birjasi ma’lumotlariga ko‘ra, umumiy miqdori 2 821 065 donani tashkil etgan aksiyalarga 2 843ta talabnoma kelib tushib, ushbu ko‘rsatkich obunaga qo‘yilgan qimmatli qog‘ozlar hajmidan 26,14 foizga ortdi. Jalb etilgan mablag‘lar summasi 2,93 mlrd. so‘mni tashkil etdi. Talabnomalarning asosiy qismi birjaning rasmiy hamkori – Freedom Finance XK MChJ orqali taqdim etildi, u 2 262 672 ta aksiyalarga 2 312 ta buyurtmani jalb etib, obunaga qo‘yilgan qimmatli qog‘ozlar realizatsiyasini 101,17 foizga ta’minlab berdi. Freedom Finance XK MChJ orqali jalb etilgan mablag‘lar hajmi 2,34 mlrd. so‘mni tashkil etdi.
Ikkilamchi ommaviy taklif investorlar taklif etgan narxlar bo‘yicha, eng yuqori narx ustuvorligini hisobga olgan holda kimoshdi savdosi shaklida o‘tdi. Buyurtmaning eng yuqori narxi 4000 so‘mga yetdi, ushbu narx bo‘yicha 10 dona aksiyaga bir taklif olindi. Obunachilarning ko‘p qismi (77,4 foiz) bir dona aksiya uchun 1000 so‘mdan 1050 so‘mgacha doirada buyurtmalar taqdim etdi.
“O‘zbekistonning fond bozori bilan birinchi tanishuv amalga oshdi va muvaffaqiyatli bo‘lib o‘tdi. Aholi o‘rtasida fond birjasidagi operatsiyalarni ommalashtirish uchun vaqt talab etiladi, biroq jarayon ishga tushirildi. “QMZ” AJning aksiyalarini xarid qilish uchun kelib tushgan buyurtmalar miqdori sezilarli darajada qo‘yilgan miqdordan ortdi. O‘zbekiston fond bozori investitsiya mexanizmi bo‘yicha tashkil etilgan ta’lim sessiyalari bu borada muhim ahamiyat kasb etdi. Ushbu sessiyalar Freedom Finance XK MChJ tomonidan O‘zbekiston Respublikasi Tashqi iqtisodiy faoliyat milliy banki, Xususiylashtirilgan korxonalarga ko‘maklashish va raqobatni rivojlantirish davlat qo‘mitasi, Qimmatli qog‘ozlar bozorini muvofiqlashtirish va rivojlantirish markazi, “Toshkent” Respublika fond birjasi bilan hamkorlikda keng miqyosdagi Road Show doirasida respublikaning 7 ta shahrida o‘tkazildi. Odamlar qimmatli qog‘ozlar orqali daromad olish imkoniyatini chuqur anglab yetishi va fond birjasidagi operatsiyalarda faol ishtirok etishni boshlashi yuzasidan biz ish olib borishda davom etamiz”,– deydi Freedom Finance XK MChJ ijrochi direktori Yevgeniy Mojeyko.
2018-yilning 28-dekabrida “Compass” ko‘ngilochar savdo markazida Freedom Finance XK MChJning “QMZ” AJ SPO obuna kampaniyasi doirasida o‘tkazilgan promo-aksiya g‘oliblarini aniqlash marosimi bo‘lib o‘tadi. Freedom Finance XK MChJ orqali “QMZ” AJ SPO da ishtirok etish uchun talabnoma bergan investor jismoniy shaxslar o‘rtasida Chevrolet Malibu avtomobili, 30 dona smartfon va 100 dona pauerbenklar o‘ynaladi.
Ma’lumot uchun:
“Qo‘qon mexanika zavodi” AJ aksiyalarini ikkilamchi ommaviy taklif (SPO) orqali sotish O‘zbekiston Respublikasi Vazirlar Mahkamasining 2017 yil 10 maydagi “Fond birjasida aksiyalarni ommaviy taklifini o‘tkazishni tashkil etish to‘g‘risida”gi 268-sonli qarori bilan tasdiqlangan. Mazkur qaror O‘zbekiston Respublikasi Prezidentining 2017 yil 17 yanvardagi “Tadbirkorlik maqsadlarida foydalanish uchun davlat mulki obyektlarini sotishni jadallashtirish va uning tartib-taomillarini yanada soddalashtirish chora-tadbirlari to‘g‘risida”gi PF-4933-sonli Farmonini bajarish hamda davlat mulki obyektlarini sotishda xalqaro amaliyotda keng foydalanilayotgan shakllarni joriy etish va fond bozoriga aholining keng qatlamini jalb etish maqsadida qabul qilingan.
Freedom Finance haqida
Freedom Finance – xususiy investorlarga O‘zbekiston, Qirg‘iziston, Ukraina, Qozog‘iston, Rossiya, AQSh va Yevropa fond bozorlariga kirishni ta’minlab beruvchi Markaziy Osiyodagi yetakchi investitsiya brokeridir. Kompaniya Rossiyada 36 ta ofis, Kozog‘istonda 16 ta vakolatxona, shuningdek Kiyev, Toshkent va Bishkek shaharlarida shaxsiy ofislaridan iborat tarmoqni tashkil etdi. Kompaniya mijozlar soni bo‘yicha Qozog‘istonda 1-o‘rinni (49 mingtadan ortiq) va Rossiyada 9-o‘rinni (24 mingtadan ortiq) egallagan. Freedom Finance Rossiyada nomdosh (Freedom Finance banki, FFINBank) bankka, Freedom24 aksiyalar chakana savdosi do‘koniga, shuningdek Nettrader kompaniyasi va TRADERNET platformasiga egalik qiladi. Freedom Finance o‘rta biznes segmentidagi kompaniyalar uchun investitsiya bankingi yo‘nalishini faol rivojlantirmoqda. Freedom Finance Qozog‘istonda “BAST” AJ, “AZM” AJ, “Ostona Banki” AJ joylashuvini muvaffaqiyatli ravishda tashkil etdi.
Kompaniya Freedom Holding Corp xalqaro xolding tarkibiga kiradi. Xolding kompaniyasi aksiyalari AQShdagi OTCQX Best Market birjasining qimmatli qog‘ozlar reyestriga kiritilgan va investorlar uchun butunlay ochiqdir. Aksiyalar FRHC tikkeri ostida kotirovka qilinadi. Xolding faoliyati Qimmatli qog‘ozlar va birjalar komissiyasi (SEC, AQSh) tomonidan tartibga solinadi. Guruhning xususiy kapitali 109 mln. AQSh dollarini tashkil etadi. Mijozlar hisobvaraqlari bo‘yicha aylanma 14 mlrd. AQSh dollariga teng, mijozlar aktivlari qiymati 900 mln. AQSh dollaridan, mijozlar hisobvaraqlari miqdori 100 ming AQSh dollaridan oshadi. Bozorda 2008-yildan buyon ishtirok etadi.
Toshkent shahridagi Freedom Finance XK MChJ Freedom Holding Corp kompaniyasining O‘zbekiston Respublikasidagi vakolatxonasi hisoblanadi. Filiallari respublikaning Farg‘ona, Andijon, Samarqand, Buxoro, Navoiy, Qarshi va Nukus shaharlarida joylashgan. Freedom Finance XK MChJ mutaxassislari tomonidan ishlab chiqilgan dasturlar insonlarga ular kelgusida eng yirik milliy korxonalarning egalaridan biri bo‘lishi uchun o‘z moliyalarini savodli boshqarishni o‘rgatadi. Kompaniya barcha xohlovchilar ishtirok etishi mumkin bo‘lgan o‘quv dasturlarini olib boradi.
Reklama huquqi asosida.
Izoh (0)