2018 йилнинг 24 декабрида «Қўқон механика заводи» АЖ акцияларини харид қилиш учун талабномаларни йиғиш якунланди.
Обуна кампанияси якунларига кўра, икки минг саккиз юздан ортиқ инвесторлар Ўзбекистоннинг энг йирик корхоналаридан бирининг акциялари эгаси бўлди ва дивиденд тарзида даромад олиш, шунингдек фонд биржасида акциялар қиймати ўзгарганда олди-сотди операцияларини амалга ошириш имкониятини қўлга киритди. Ўтказилган кампания якунларига кўра, обунага қўйилган қимматли қоғозлар тўлиқ ҳажмда сотилди.
2018 йил 26 декабрь, Тошкент. —«Қўқон механика заводи» АЖ SPО акциялари оммавий таклифи Ўзбекистон фонд бозорини ривожлантиришда муҳим қадам бўлди ҳамда фуқаролар ва бизнесга мамлакатнинг инвестиция салоҳиятини очиб берди. Обуна кампанияси мобайнида Freedom Finance ХК МЧЖ мутахассислари томонидан 3,3 мингтадан ортиқ янги мижозларга ҳисобварақлари очилди.
Иккиламчи оммавий таклиф (SPO) доирасида «ҚМЗ» АЖнинг 2,2 миллион дона акцияларини сотувга чиқариш режалаштирилган эди. «Тошкент» фонд биржаси маълумотларига кўра, умумий миқдори 2 821 065 донани ташкил этган акцияларга 2 843та талабнома келиб тушиб, ушбу кўрсаткич обунага қўйилган қимматли қоғозлар ҳажмидан 26,14 фоизга ортди. Жалб этилган маблағлар суммаси 2,93 млрд. сўмни ташкил этди. Талабномаларнинг асосий қисми биржанинг расмий ҳамкори – Freedom Finance ХК МЧЖ орқали тақдим этилди, у 2 262 672 та акцияларга 2 312 та буюртмани жалб этиб, обунага қўйилган қимматли қоғозлар реализациясини 101,17 фоизга таъминлаб берди. Freedom Finance ХК МЧЖ орқали жалб этилган маблағлар ҳажми 2,34 млрд. сўмни ташкил этди.
Иккиламчи оммавий таклиф инвесторлар таклиф этган нархлар бўйича, энг юқори нарх устуворлигини ҳисобга олган ҳолда кимошди савдоси шаклида ўтди. Буюртманинг энг юқори нархи 4000 сўмга етди, ушбу нарх бўйича 10 дона акцияга бир таклиф олинди. Обуначиларнинг кўп қисми (77,4 фоиз) бир дона акция учун 1000 сўмдан 1050 сўмгача доирада буюртмалар тақдим этди.
«Ўзбекистоннинг фонд бозори билан биринчи танишув амалга ошди ва муваффақиятли бўлиб ўтди. Аҳоли ўртасида фонд биржасидаги операцияларни оммалаштириш учун вақт талаб этилади, бироқ жараён ишга туширилди. «ҚМЗ» АЖнинг акцияларини харид қилиш учун келиб тушган буюртмалар миқдори сезиларли даражада қўйилган миқдордан ортди. Ўзбекистон фонд бозори инвестиция механизми бўйича ташкил этилган таълим сессиялари бу борада муҳим аҳамият касб этди. Ушбу сессиялар Freedom Finance ХК МЧЖ томонидан Ўзбекистон Республикаси Ташқи иқтисодий фаолият миллий банки, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Қимматли қоғозлар бозорини мувофиқлаштириш ва ривожлантириш маркази, «Тошкент» Республика фонд биржаси билан ҳамкорликда кенг миқёсдаги Road Show доирасида республиканинг 7 та шаҳрида ўтказилди. Одамлар қимматли қоғозлар орқали даромад олиш имкониятини чуқур англаб етиши ва фонд биржасидаги операцияларда фаол иштирок этишни бошлаши юзасидан биз иш олиб боришда давом этамиз»,– дейди Freedom Finance ХК МЧЖ ижрочи директори Евгений Можейко.
2018 йилнинг 28 декабрида «Compass» кўнгилочар савдо марказида Freedom Finance ХК МЧЖнинг «ҚМЗ» АЖ СПО обуна кампанияси доирасида ўтказилган промо-акция ғолибларини аниқлаш маросими бўлиб ўтади. Freedom Finance ХК МЧЖ орқали «ҚМЗ» АЖ SPО да иштирок этиш учун талабнома берган инвестор жисмоний шахслар ўртасида Chevrolet Malibu автомобили, 30 дона смартфон ва 100 дона пауэрбенклар ўйналади.
Маълумот учун:
«Қўқон механика заводи» АЖ акцияларини иккиламчи оммавий таклиф (SPО) орқали сотиш Ўзбекистон Республикаси Вазирлар Маҳкамасининг 2017 йил 10 майдаги «Фонд биржасида акцияларни оммавий таклифини ўтказишни ташкил этиш тўғрисида»ги 268-сонли қарори билан тасдиқланган. Мазкур қарор Ўзбекистон Республикаси Президентининг 2017 йил 17 январдаги «Тадбиркорлик мақсадларида фойдаланиш учун давлат мулки объектларини сотишни жадаллаштириш ва унинг тартиб-таомилларини янада соддалаштириш чора-тадбирлари тўғрисида»ги ПФ-4933-сонли Фармонини бажариш ҳамда давлат мулки объектларини сотишда халқаро амалиётда кенг фойдаланилаётган шаклларни жорий этиш ва фонд бозорига аҳолининг кенг қатламини жалб этиш мақсадида қабул қилинган.
Freedom Finance ҳақида
Freedom Finance – хусусий инвесторларга Ўзбекистон, Қирғизистон, Украина, Қозоғистон, Россия, АҚШ ва Европа фонд бозорларига киришни таъминлаб берувчи Марказий Осиёдаги етакчи инвестиция брокеридир. Компания Россияда 36 та офис, Козоғистонда 16 та ваколатхона, шунингдек Киев, Тошкент ва Бишкек шаҳарларида шахсий офисларидан иборат тармоқни ташкил этди. Компания мижозлар сони бўйича Қозоғистонда 1-ўринни (49 мингтадан ортиқ) ва Россияда 9-ўринни (24 мингтадан ортиқ) эгаллаган. Freedom Finance Россияда номдош (Freedom Finance банки, ФФИНБанк) банкка, Freedom24 акциялар чакана савдоси дўконига, шунингдек Nettrader компанияси ва ТRАDERNET платформасига эгалик қилади. Freedom Finance ўрта бизнес сегментидаги компаниялар учун инвестиция банкинги йўналишини фаол ривожлантирмоқда. Freedom Finance Қозоғистонда «БACТ» АЖ, «АЗМ» АЖ, «Остона Банки» АЖ жойлашувини муваффақиятли равишда ташкил этди.
Компания Freedom Holding Corp халқаро холдинг таркибига киради. Холдинг компанияси акциялари АҚШдаги OTCQX Best Market биржасининг қимматли қоғозлар реестрига киритилган ва инвесторлар учун бутунлай очиқдир. Акциялар FRHC тиккери остида котировка қилинади. Холдинг фаолияти Қимматли қоғозлар ва биржалар комиссияси (SEC, АҚШ) томонидан тартибга солинади. Гуруҳнинг хусусий капитали 109 млн. АҚШ долларини ташкил этади. Мижозлар ҳисобварақлари бўйича айланма 14 млрд. АҚШ долларига тенг, мижозлар активлари қиймати 900 млн. АҚШ долларидан, мижозлар ҳисобварақлари миқдори 100 минг АҚШ долларидан ошади. Бозорда 2008 йилдан буён иштирок этади.
Тошкент шаҳридаги Freedom Finance ХК МЧЖ Freedom Holding Corp компаниясининг Ўзбекистон Республикасидаги ваколатхонаси ҳисобланади. Филиаллари республиканинг Фарғона, Андижон, Самарқанд, Бухоро, Навоий, Қарши ва Нукус шаҳарларида жойлашган. Freedom Finance ХК МЧЖ мутахассислари томонидан ишлаб чиқилган дастурлар инсонларга улар келгусида энг йирик миллий корхоналарнинг эгаларидан бири бўлиши учун ўз молияларини саводли бошқаришни ўргатади. Компания барча хоҳловчилар иштирок этиши мумкин бўлган ўқув дастурларини олиб боради.
Реклама ҳуқуқи асосида.
Изоҳ (0)