Рио—2016 Олимпиадаси чемпиони Фазлиддин Ғоибназаров профессионал боксдаги навбатдаги жангини кимга қарши ўтказиши маълум бўлди.
Фазлиддин 2019 йилнинг 8 январь куни АҚШда доминиканлик Рикардо Гарсияга қарши рингга кўтарилади. Ғоибназаров шу кунгача профессионал боксда 6 та жанг ўтказган ва уларнинг барчасида ғалаба қозонган. Учта жангда эса рақибларини нокаутга учратган.
Рикардо Гарсия ҳозиргача 19 та жанг ўтказиб, 14 та жангда рақибларини мағлубиятга учратган. 9 та жангда эса рақибларини нокаутга учратган. Гарсия 4 та жангида мағлубиятга учраган. Битта жангида эса дуранг қайд этилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)