Quruq mintaqalar aholisi ichimlik suvini g‘amlash uchun barcha imkoniyatlardan foydalanadi. Bu haqda National Georaphic xabar berdi. Afrikada va boshqa issiq mamlakatlarda asrlar davomida odamlar hatto ertalabki shudringni ham suv qilib to‘plagan. XXI asr texnologiyalari suvni tumandan ham olish imkonini berdi.
Havo massasini sovutish natijasida suv bug‘lari yer yaqinidagi obyektlarga kondensatsiya qilinadi va suv tomchilariga aylanadi. Quruq tumanlarda vertikal ekranlarni o‘rnatish orqali ushbu kondensatni to‘plashi mumkin. Bu holda suvning manbai tuman bo‘lishi mumkin va bu texnologiya birinchi marta 1980-yilda Kanadada qo‘llanilgan. Ushbu mamlakatda namlik taqchilligi yo‘q, tajriba meteorologiya xizmati tomonidan ilmiy maqsadlar uchun amalga oshirilgan.
Tumandan suv ichgan birinchi odamlar chililiklar edi: 90-yillarda El Tofo tog‘ida kondensatsiya tizimi qurildi, yaqin qishloqqa quvur yotqizildi. Kuniga kamida 15000 litr suv olish mumkin edi, biroq o‘n yil o‘tib loyiha to‘xtadi. Buning sababi tizimni ta’mirlash uchun mablag‘ning yo‘qligi edi. Shunday qilib, texnologiya o‘zini oqladi, ammo asosiy masala uni moliyalashtirish edi.
2000-yillarda Marokashda odamlarni suv bilan ta’minlashga sarmoya kiritishga tayyor bo‘lgan nohukumat tashkilot topildi. Morokash janubi-g‘arbiy qismida joylashgan tog‘larning o‘n minglab metr balandligida, tumanni kondensatsiyalaydigan o‘nlab tarmoqlar o‘rnatildi.
Keyin suv kondensati iflosliklardan tozalanib, suv ta’minotiga jo‘natiladi. Marokashda o‘rnatilgan tizim kuniga 6000 litr suv ishlab chiqaradi. Ushbu loyihani amalga oshirgan Dar Si-Hmad kompaniyasi, Birlashgan Millatlar Tashkilotining maxsus mukofotiga sazovor bo‘ldi.
Izoh (0)