Britaniyalik arxeologlar miloddan avvalgi III asrga tegishli bir nechta qabrni topdi. Ularning ichida jumboqli holatda dafn qilingan odamlarning qoldiqlari topilgan. Bu haqda Gizmodo xabar berdi.
Qabrlardan birida 17—25 yosh oralig‘idagi yigitning jasadi bo‘lgan. U jangchi bo‘lgan, biroq olimlarning fikricha, uning o‘limi tabiiy sabablar bilan yuz bergan. Qoldiqlarni ko‘zdan kechirish chog‘ida beshta temir va to‘rtta suyak uchli nayzalar sanchilgani aniqlangan. Uning bosh suyagiga esa o‘tmas qurol bilan kuchli zarba berilgan. Arxeologlarning fikricha, bu marosim jangchiga munosib deb hisoblangan ikkinchi o‘limni ramzlantiradi. Boshqa nazariyaga ko‘ra, odamlar o‘likning qayta tirilishidan qo‘rqqan, nayzalar esa buning oldini olishi kerak bo‘lgan.
Ikkinchi qabrda esa 60—70 yoshli qariyaning jasadi topilgan. U ikkita otga ulangan aravada ko‘milgan. Olimlarning fikricha, dastlab hayvonlar harakatlana olmasligi uchun yarmigacha ko‘milgan, keyin esa boshi olib tashlangan. Kesib tashlangan boshlar marhumni himoya qilishi uchun qabrga qo‘yilgan. Erkak embrion pozasida joylashtirilgan. Shuningdek, qabrga qurol-aslaha va boshqa kerakli narsalar ham qo‘yilgan.
Izoh (0)