Xalqaro olimlar guruhi JARning Yoxannesburg shahri yaqinidagi Sterkfonteyn g‘orida topilgan oliy primat qoldiqlari avstralopiteklarning yangi turi — Australopithecus Prometheus’ga tegishli ekanligini aniqladi. Bu haqda bioRxiv xabar berdi.
Avstralopiteklar birinchi marta 1924-yilda Janubiy Afrikada topilgan. Avstraliyalik anatomist Reymond Dart ularni Australopithecus Africanus turiga kiritgan. Ularning o‘ziga xosligi ikki oyoqda harakatlana olish qobiliyati bo‘lgan. Katta avstralopiteklar 1936-yilda Sterkfonteyn g‘orida topilgan. Tosh qotgan qoldiqlarning aksariyat qismi o‘sha turga kiritilgan, biroq olimlar qoldiqlarning bir qismi boshqa turga — Australopithecus Prometheus’ga taalluqli ekanligini taxmin qilgan.
1990-yillarning o‘rtalarida Australopithecus Prometheus’ga xos xususiyatlarga ega bo‘lgan avstralopitekning deyarli to‘liq skeleti — StW 573 topilgan. Yoshi 3,67 million yil deb hisoblanadigan skelet “Kichik oyoq” deb nomlangan.
Tadqiqotlar natijalarining ko‘rsatishicha, StW 573 bosh suyagi avstralopiteklarning boshqa turlari bosh suyaklariga o‘xshash bo‘lgan. U daraxtga chiqa olgan, biroq boshqa turlar kabi chaqqon bo‘lmagan. Shu bilan birga, oyoqlari qo‘llaridan uzun bo‘lgan StW 573 katta masofaga yura olgan.
Izoh (0)