AQSh prezidenti Donald Rossiya prezidenti Vladimir Putinga Moskvada qurilishi rejalashtirilgan Trump Tower osmono‘par binosidan qiymati 50 million AQSh dollar bo‘lgan pentxaus sovg‘a qilishni rejalashtirgan, deya xabar berdi “RBK”.
Ko‘chmas mulkni qurish va pentxausni sovg‘a qilish to‘g‘risidagi muzokaralar 2016-yilda olib borilgan. Trampning sobiq shaxsiy advokati Maykl Koen ushbu g‘oyani Putinning matbuot kotibi Dmitriy Peskov bilan muhokama qilgan.
Bino qurilish loyihasi Tramp prezident bo‘lguniga qadar muhokama qilingan. Bino uchun yer topilmagani va hukumat ruxsat bermagani sababli qurilish boshlanmagan.
Avval boshidan Tramp loyiha muhokamasi 2016-yilning yanvarida, uning prezidentlik saylovoldi kampaniyasidan avval yakunlanganini ta’kiladi, ammo uning sobiq advokati Maykl Koen Nyu-York sudida hammasini tan oldi. U AQSh kongressida loyiha muhokama muddatlari to‘g‘risida yolg‘on guvohlik berganini ma’lum qildi. Moskva bilan muzokaralar 2016-yilning yanvarida emas, AQShda saylovoldi kampaniyasi ayni avji vaqtida bo‘lgan.
Hujjatlarda mazkur loyihada vositachi ikkinchi raqamli odam borligi ham ma’lum bo‘ldi. U tadbirkor Feliks Sater bo‘lib, Moskvada Trump Tower osmono‘par binosining qurilishidan manfaatdor bo‘lgan.
“Mening g‘oyam Putinga 50 million AQSh dollarli pentxaus sovg‘a qilish va qolgan qismidan 250 million AQSh dollari foyda olish edi. Rossiyada oligarxlar Putin bilan birga yashash uchun qo‘lidan kelganini qilardi” — deydi Sater.
Kreml Moskvada Trump Tower qurilishi yuzasidan xat olinganini tasdiqladi.Trampning o‘zi Putinga pentxaus sovg‘a qilishi haqida xabardor bo‘lganligi noma’lum.
Izoh (0)