АҚШ президенти Дональд Россия президенти Владимир Путинга Москвада қурилиши режалаштирилган Trump Tower осмонўпар биносидан қиймати 50 миллион АҚШ доллар бўлган пентхаус совға қилишни режалаштирган, дея хабар берди «РБК».
Кўчмас мулкни қуриш ва пентхаусни совға қилиш тўғрисидаги музокаралар 2016 йилда олиб борилган. Трампнинг собиқ шахсий адвокати Майкл Коэн ушбу ғояни Путиннинг матбуот котиби Дмитрий Песков билан муҳокама қилган.
Бино қурилиш лойиҳаси Трамп президент бўлгунига қадар муҳокама қилинган. Бино учун ер топилмагани ва ҳукумат рухсат бермагани сабабли қурилиш бошланмаган.
Аввал бошидан Трамп лойиҳа муҳокамаси 2016 йилнинг январида, унинг президентлик сайловолди кампаниясидан аввал якунланганини таъкилади, аммо унинг собиқ адвокати Майкл Коэн Нью-Йорк судида ҳаммасини тан олди. У АҚШ конгрессида лойиҳа муҳокама муддатлари тўғрисида ёлғон гувоҳлик берганини маълум қилди. Москва билан музокаралар 2016 йилнинг январида эмас, АҚШда сайловолди кампанияси айни авжи вақтида бўлган.
Ҳужжатларда мазкур лойиҳада воситачи иккинчи рақамли одам борлиги ҳам маълум бўлди. У тадбиркор Феликс Сатер бўлиб, Москвада Trump Tower осмонўпар биносининг қурилишидан манфаатдор бўлган.
«Менинг ғоям Путинга 50 миллион АҚШ долларли пентхаус совға қилиш ва қолган қисмидан 250 миллион АҚШ доллари фойда олиш эди. Россияда олигархлар Путин билан бирга яшаш учун қўлидан келганини қиларди» — дейди Сатер.
Кремль Москвада Trump Tower қурилиши юзасидан хат олинганини тасдиқлади.Трампнинг ўзи Путинга пентхаус совға қилиши ҳақида хабардор бўлганлиги номаълум.
Изоҳ (0)