O‘zbekiston Xalqaro migratsiya tashkilotining (XMT) 173-a’zosi bo‘ldi. Bu haqda tashkilot matbuot xizmatiga tayanib, “Turon 24” xabar berdi.
27-noyabrda Jenevadagi navbatdagi yig‘ilishida XMT kengashi O‘zbekistonning a’zolik arizasini qo‘llab-quvvatladi.
“O‘zbekistonni XMT oilasiga qabul qilingani bilan qutlayman. Mamlakat qadimdan savdo yo‘llar chorrahasida joylashgan va shu uchun ham azaldan muhojirlar qatnovi gavjum bo‘lgan hududlardan biri bo‘lgan”, dedi XMT yangi bosh direktori Antonio Vitorino.
O‘zbekiston tomonidan yig‘ilishda Bandlik va mehnat munosabatlari vazirining o‘rinbosari Bahodir Nizomov qatnashdi.
Ma’lumot uchun, O‘zbekiston Markaziy Osiyoda bu tashkilotga eng oxiri qo‘shilgan davlat bo‘ldi.
Izoh (0)